Khākhoen ǃoagu hâ huib ǃaroma hâ ǀgores
Davidi Psalms
ǁNaetsanas
(Psalms 57:7-1160:5-12)1 Ti ǂgaob ge ǂhomisen hâ Elotse,
ti ǂgaob ge a ǁaposa.
ǁNae ta ge nî,
satsa ta ge nî koaǁnaeba.
2 ǂKhai re ti ǀomse;
ǂkhai re harps tsî ǀkhōxūse.
ǃNauǁgoagasa ta ge ra ǂkhaiǂkhai ǂgao.
3 ǁAedi ǁaegu ta ge ra gangan tsi ǂgao,
khoen ǁaegu ta ge ra koaǁnaeba tsi ǂgao ǃKhūtse.
4 ǀHommi kōseb ge sa hâhâ ra ǀnamma a kai,
ǂgomǂgomsasib âts ge ǃâudi kōse ra sī.
5 ǀHomgu ǂamai ǀgapiǀgapihe re Elotse
ab sa ǂkhaisiba hoaraga ǃhūbaib ai hâ re.
6 Sa ǁkhāsiba xu sâu da re,
î ti ǀgoresa ǁnâu-am re;
ǁnān satsa ǀnamn nî orehese.
7 Sa amǀkhāb ǁôab ǀkha ore te re,
sa ǀnamsaben nî sâuhese.
8 Elob ge ǃanusib âb ǃnâ ge ǃhoa:
“Tita ge nî dâ
Sexemsa ta ge nî ǀgoraǂgā
tsî Sukotǃgoaǃnāba nî ǀnōtoa.
9 Gileadi ge a ti,
Manaseb ge a ti,
tsî Efraimmi ge a ti danas di toroǀgapa,
tsî Judab ge a ti gaohai.
10 Moab ge a ti ǁāsenǃnâǃore;
Edommi ǂamai ta ge ti ǀkhapusa ra ao,
Filistiab ǂama ta ge ra dâ.”
11 Tari-e ǁaposa ǃās tawa nî sī-ū te?
Tari-e tita Edoms ǃoa nî ǂgaeǂgui?
12 Elotse, sa tamatsa kha sida ge ǂharatsa
tsî sida toroǂnubidi ǁaegu ge ǃgûǂoatsa?
13 Sida khākhoena da nî mâǃoa-ū ǁkhā ǀgaiba mā da re
khoesib di huib a harebeoǃnâ xuige.
14 Elob ǀgaib ǀkha da ge nî dan
tsîb ge ǁîba sada khākhoena nî hîkākā.
© Khoekhoegowab Elobmîs © Bible Society in Namibia, 2020.
