Karetsanas
Psalms
Sabattsēs di ǁnaetsanas
1 ǃGâi i ge a ǃKhūba koaǁnaebasa
tsî Hoan xa ǀGapib di ǀonsa karetsanade ǁnaebasa.
2 ǁGoaga sa hâhâ ra ǀnamma ǂanǂansa
tsî tsuxuba sa ǂgomǂgomsasiba.
3 Disiǁapaxa ǀkhōxūs ǀkha
ǃgâi ǀōb harps dib ai.
4 ǃKhūtse, sats ge tita ge ǃgâiaǂgao kai sa dīgu ǀkha;
sa ǃomkha di sîsengu ǃnâ ta ge ra dâǁnae.
5 Mâtikōse gu a kai sa sîsenga ǃKhūtse;
ǂâidi âts ge kaise a ǃgam.
6 Gâre khoe-i ge ǂan tama hâ
tsî gâ-i ge nēsa ǁnâuǃā tama hâ,
7 ǂkhaba khoen ra ǁîǁhaiben khami ǀomkhâi
tsîn hoan hîa ǂkhababa ra dīna ra ǀomsa,
xawen ge ǀams ai ǀamose ra hîkākāhe.
8 Xawe sats ge ǀamosib kōse a ǃKhū.
9 Kō re sa khākhoena ǃKhūtse
ā, sa khākhoen hoan ge nî hîkākāhe;
ǂhanuoǃnâsiba ra dīn hoan ge nî ǀgaruǀgaruhe.
10 Sats ge ti ǁnâba ǃgarogomab dib khami ge ǀgapiǀgapi.
ǀAsa ǀkhera-oli-i ǀkha ta ge ǂnâǂamhe hâ.
11 Ti mûra ge ti khākhoen di danhesa ge mû;
ti ǂgaera ge ǂkhabadī-aon, tita ǃoagu ra khâikhâisenna ge ǁnâu.
12 ǂHanu-ain ge palmhaidi khami nî ǀomkhâi,
Libanonni ǃnâ hâ sederhaidi khamin ge nî ǀomkhâi.
13 ǁÎn ge ǃKhūb ommi ǃnâ ǃhanahe hâ;
tsîn ge sada Elob ommi ǃnâ nî ǀomkhâi.
14 ǁÎn ge kairasib tsîn ǃnâ nî ǂûtani;
ǁîn ge kausa tsî ǃamse nî hâ;
15 “ǃKhūb ge a ǂhanu-ai; ǁîb ge a ti ǃgareǀui;
ǂhanuoǃnâsi-i xare-i ge ǁîb ǃnâ a ǀkhai” tin nî aoǁnâse.
© Khoekhoegowab Elobmîs © Bible Society in Namibia, 2020.
