ǂGomǃgâs di ǀgores
Davidi di ǀgaipetsanas
1 Sa sâub ǃnâ ūhâ te re Elotse,
sa ǃnorasasib ai ta ge ra ǂgomǃgâ.
2 Tita ge ǃKhūb ǃoa ge mî: “Sats ge a ti ǃKhū;
sats ǀguits ose ta ge ǀnî ǃgâi-i xare-e ūhâ tama hâ.”
3 ǃAnun ǃhūb ǃnâ hân ǃoa tsî ǁnān hîa a kain
ǁîn ǃnâ ta ge ra ǃgâiaǂgao.
4 ǁNān hîa ǁgôa-elon ǃoa ra ǃkhoen
ge ǂkhôab ǀguiba ǁîn ai aitsama ra hā kai.
Tita ge ǁîn di āǁguibadi, ǀaob dide ǂnâǂui
tamas ka io ǁîn ǀondi tsîna ǂgai tide.
5 ǃKhūtse sats ge ti ǀumi-amǃnâ tsî a āǀgabi
tsîts ge ti ǃgoaxaǁaeba sa ǃomǁae ūhâ.
6 ǃGâi ǃhūǃâsa ta ge ǀnōǂuibahe hâ
tsîs ge ti ǀumis hîa ta ge ǃkhōǃoasa a ǃgâiba te.
7 ǃKhūba ta ge titab ge ǀapemā amaga nî kare;
ǁkhāti ra ge ti ǃnaira tsuxub ǃnâ ra ǁkhāǁkhā te.
8 Hoaǁae ta ge ǃKhūb di hâs xa a ǂan
ǁîb ǀgūse hâ tsî ta ge xū-i xare-i xa ǁnobeǁnobehe tide.
9 ǁNā-amaga ta ge gangan tsî ra ǃgâiaǂgao
tsîb ge ti ǃgôasib tsî ti hoaraga soros tsîna ǁîb sâub ǃnâ nî hâ.
10 Ti ǀomsats ge satsa ǁŌhân Hâǃkhaibǀî ǂhara tide
tsîts ge sa ǂgomǂgomsan nî āb ǃnâ ǁgôa ǃkhaisa mā-am tide.
11 Ti ûib di daob, ǃgâiǃgâisendi xa ǀoa hâb, sa aiǃâ hâbats ge nî ǂanǂan te
tsî gu ge ǀnamǀnamsasigu âtsa ǀamose sa amǀkhāb ǃommi ǃnâ hâ.
© Khoekhoegowab Elobmîs © Bible Society in Namibia, 2020.
