Koatsanas
1 Koa re ǃKhūba!
ǀAsa am-e ǃKhūba ǁnaeba re;
koa bi ǁîb ǂgomǂgomsan di ǀhûs ǃnâ!
2 As Israelsa ǃgâiaǂgao, ǁîs Kuru-aob ǃnâ;
an Sions ôana dâ ǁîn Gao-aob ǃnâ.
3 An ǁîb ǀonsa ǂnāb ǀkha koa,
ǃkhomǃkharurus tsî harps ǀōb ǀkha.
4 ǃKhūb ge ǁaes âb ǃnâ ǃgâiǃgâibasensa ūhâ
ǁîb ge ǃgamǃgamsen hâna dans ǀkha ra ani.
5 An ǁîb di ǂgomǂgomsana dâb xa urikhâi re
kharogu ân ain ga ǁgoe xawe an dâ re.
6 As Elob di koasa domgu ân ǃnâ hâ;
tsî hoaǀkhāǀā gôa-e ǁîn ǃomgu ǃnâ,
7 ǃhaodi ǃnâ ǀkhao
tsî ǁaede nî ǁkharase.
8 Gao-aogu ânan nî khedegu ǀkha ǃgae tsî ǂnause
tsî ǀgapiǃgôasaga, ǀuriǃgae-ūdan ǀkha.
9 Xoaǁguisa ǀgoraǃgâsa ǁîn ai nî sîsenǂuise.
Nēs ge ǁîb di ǂgomǂgomsa ǃoaba-aona ǃgôasi-i ase ība.
Koa re ǃKhūba!
© Khoekhoegowab Elobmîs © Bible Society in Namibia, 2020.
