Elob khoen di ǁaposasib
ǃGûǃapas di tsanas, Davidi dis
1 ǃKhūb ai ra ǂgomaiǂnûin ge Sionǃhommi khami ī,
tātsē ǁnobe tama tsî ǀamose ǁaposase mâba.
2 Jerusalems ǃhomgu xa ǃnamiǂgāhe hâ khami,
ǁnātib ge ǃKhūba ǁîb ǁaesa ǃnamiǂgā hâ,
nēsisa xu ǀamos kōse.
3 Eloxoresan di ǀkharub ge ǂhanu-ain di ǀumi-amǃnâs ai hâhâ tide,
în ǂhanu-aina tā ǁîn ǃomga ǂhanuoǃnâsib ǃoa ǀhōǂui.
4 ǃKhūb ge ǃgâina ra ǃgâidība
ǁnān ǂgaogu ân ǃnâ ǂhauǃnâna.
5 ǁNān hîa ǁîn di gama daoguǀî ra ǂgōn,
ǁînab ge ǃKhūba ǂkhabadī-aon ǀkha nî dībē.
ǂKhîba ab Israeli ǂama hâ re!
© Khoekhoegowab Elobmîs © Bible Society in Namibia, 2020.
