Ores di ǀgores
ǃGûǃapas tsanas
1 ǃKhūb ge Sionsa dī-unuo,
o da ge ǁhapo ran xase ge ī i.
2 Sida amdi ge âib ǀkha ge ǀoaǀoahe
tsî sida namdi ge dâb ǀkha
ǁaedi ǁaegu ge ǂgaiǂui:
“ǃKhūb ge kai xūna nē khoena go dība.”
3 ǃKhūb ge kai xūna go dī da;
ǃgâiaǂgao da ge ra.
4 ǃKhūtse sida ǃgâiǃgâga ǁkhawa ǀasaǀasa re
Negevi di ǁgamǃārogu khami.
5 ǁNān ǁgamrogu ǀkha ra tsoron
ge dâb ǀkha nî ǃgao.
6 ǁNā-i hîa ā rase ǃkhomn ǁgaruba tani hâse ra ǂoa-i
ge dâb amde ra ǁnaese nî oahā,
ǃhoroǃgaeǀkhāde tani hâse.
© Khoekhoegowab Elobmîs © Bible Society in Namibia, 2020.
