Esra 2 - Khoekhoegowab New Translation 2020 (KKG20)

ǃHūsisa xu ge oaǀkhī khoen di ǃgôab

1 ǂGui ǃkhōsaben ge Babiloniab ǀkhariba xu Jerusalems tsî Judab tsîra ǁga ge oa, mâ-i hoa-e ǁî-i di ǃāsa ǃoa. ǁÎn di ǀaokhoen ge gao-aob Nebukadnesari xan ge ǃkhōsabese Babiloniab ǁga ǃgû-ūhesa xu ǁnāpa ge hâ i. 2 ǁÎn di ǂgaeǂgui-ao ge igu ge Serubabeli, Jesuab, Nehemiab, Serajab, Relajab, Mordekaib, Bilsanni, Mispari, Bigvaib, Rehummi tsî Baanab tsîga.

Nēb ge xoakhâib Israelǁîn ǃhaoǃnādi tsî ǃgôab ǃhūsisa xu ge oaǀkhī khoen mâ ǃhaoǃnās din tsîn diba:

3-20 Parosi: ǀGamǀoadisi tsî ǀguikaidisihûdisiǀgamǀa;

Sefatjab: ǃNonakaidisihûdisiǀgamǀa;

Araxi: Hûkaidisihûdisikoroǀa;

Pahat-Moab (Jesuab tsî Joab hâkha ôananôagub): ǀGamǀoadisi tsî ǁkhaisakaidisiǀgamǀa;

Elammi: ǀGuiǀoadisi tsî ǀgamkaidisikorodisihakaǀa;

Satub: Khoesekaidisihakadisikoroǀa;

Sakaib: Hûkaidisiǃnanidisi;

Banib: ǃNanikaidisihakadisiǀgamǀa;

Bebaib: ǃNanikaidisiǀgamdisiǃnonaǀa;

Asgadi: ǀGuiǀoadisi tsî ǀgamkaidisiǀgamdisiǀgamǀa;

Adonikammi: ǃNanikaidisiǃnanidisiǃnaniǀa;

Bigvaib: ǀGamǀoadisidisiǃnaniǀa;

Adinni: Hakakaidisikorodisihakaǀa;

Ateri (Hesekia tis tsîna gere ǀonǂgaiheb): Khoesedisiǁkhaisaǀa;

Besaib: ǃNonakaidisi tsî ǀgamdisiǃnonaǀa;

Jorab: ǀGuikaidisidisiǀgamǀa;

Hasummi: ǀGamkaidisi tsî ǀgamdisiǃnonaǀa;

Gibari: Khoesedisikoroǀa.

21-35 Sao ra ǃādi ǃnâ ge ǁan hâ i khoen di surib tsîn ge ge oaǀkhī:

Betlehems: ǀGuikaidisiǀgamdisiǃnonaǀa;

Netofas: Korodisiǃnaniǀa;

Anatots: ǀGuikaidisiǀgamdisiǁkhaisaǀa;

Asmavets: Hakadisiǀgamǀa;

Kirjat-Jearims, Kefiras tsî Beerots tsîdi: Hûkaidisi tsî hakadisiǃnonaǀa;

Ramas tsî Gebas tsîra: ǃNanikaidisi tsî ǀgamdisiǀguiǀa;

Mikmas: ǀGuikaidisiǀgamdisiǀgamǀa;

Betels tsî Ais tsîra: ǀGamkaidisiǀgamdisiǃnonaǀa;

Nebos: Korodisiǀgamǀa;

Magbis: ǀGuikaidisikorodisiǃnaniǀa;

Nau Elams: ǀGuiǀoadisiǀgamkaidisi tsî korodisihakaǀa;

Harims: ǃNonakaidisiǀgamdisi;

Lods, Hadids tsî Onos tsîdi: Hûkaidisiǀgamdisikoroǀa;

Jerixos: ǃNonakaidisihakadisikoroǀa;

Senas: ǃNonaǀoadisiǃnanikaidisi tsî ǃnonadisi.

36-39 Nēb ge prister ǃhaoǃnādi, ǃkhōsisa xu ge oaǀkhīdi xoakhâiba:

Jedajab (Jesuab ôananôagub dib): Khoesekaidisihûdisiǃnonaǀa;

Imeri: ǀGuiǀoadisikorodisiǀgamǀa;

Pashuri: ǀGuiǀoadisiǀgamkaidisi tsî hakadisihûǀa;

Harimmi: ǀGuiǀoadisidisihûǀa.

40-42 Nēb ge Leviǁîn ǃhaoǃnādi, ǃkhōsisa xu ge oaǀkhīdi xoakhâiba:

Jesuab tsî Kadmieli tsîkha (Hodaviab ôananôagub dikha): Hûdisihakaǀa;

Tempelǁnae-aogu (Asafi ôananôagub digu): ǀGuikaidisiǀgamdisiǁkhaisaǀa;

Tempelǃûi-aogu (Salummi, Ateri, Talmonni, Akub, Hatitab tsî Sobaib tsîgu di ôananôagub digu): ǀGuikaidisiǃnonadisikhoeseǀa.

43-54 Nēb ge Tempelsîsenaogu ǃhaoǃnādi, ǃkhōsisa xu ge oaǀkhīdi xoakhâiba:

Sihab, Hasufab, Tabaoti,

Kerosi, Siab, Padonni,

Lebanab, Hagabab, Akub,

Hagab, Samlaib, Hananni,

Gideli, Gahari, Reajab,

Resinni, Nekodab, Gasammi,

Usab, Paseab, Besaib,

Asnab, Meunimmi, Nefisimmi,

Bakbuki, Hakufab, Harhuri,

Basluti, Mehidab, Harsab,

Barkosi, Siserab, Temab,

Nesiaxi tsî Hatifab tsîga.

55-57 Nēb ge Salomob di ǃgāgu ǃhaoǃnādi, ǃhūsisa xu ge oaǀkhīdi xoakhâiba:

Sotaib, Hasofereti, Perudab,

Jalab, Darkonni, Gideli,

Sefatjab, Hatili, Pokeret-Hasebaimmi tsî Amib tsîga.

58 Tempelsîsenaogu tsî Salomob di ǃgāgu tsîgu di ôananôagub, ǃhūsisa xu ge oaǀkhīb ge ǀhaob ai ge ǃnonakaidisi tsî khoesedisiǀgamǀa i.

59-60 ǃNanikaidisi tsî korodisiǀgamǀan ge ge Delajab, Tobiab tsî Nekodab tsîgu di ǃhaoǃnādi di i. ǁÎn ge Tel-Melas, Tel-Harsas, Kerubs, Adans tsî Imers tsîde xu ge oaǀkhī, xawen ge Israelǁîn suriba xun hâsa ge ǁgau ǁoa i.

61-62 Sao ra pristergu ǃhaoǃnādi khoen ge ǁîn aboxan di xoakhâiga hō tama ge i: ǁÎgu ge Habajab, Hakosi tsî Barsilaib tsîga. (Barsilaib, prister ǃhaoǃnās aboxab ge Barsilaib Gileads dib di khoes ǀkha ǃgame tsî ǁîb ǀuiǁgûb ǃhaoǃnās di ǀonsa ge ū.) Tarin a ǁîn di aboxa ǃkhaisa gu ge ǁgau ǁoa i, xui-ao gu ge pristerse ūǃoahe tama ge i. 63 Jodeǁî gowoniab ge ǁîga ge mîba, Elob ra ǁguibahe ǂûn xa gu ǂû tidesa, Urims tsî Tummims tsîra ǀkha nî sîsen pristeri nî hās kōse.

64-67 Oaǀkhī ge ǃkhōsaben di ǃgôab: Hakadisiǀgamǀaǀoadisi tsî ǃnonakaidisiǃnanidisi;

ǃGāgu tsî ǃgādi: Hûǀoadisiǃnonakaidisi tsî ǃnonadisihûǀa;

ǁNae-aogu tsî ǁnae-aodi: ǀGamkaidisi;

Hān: Hûkaidisi tsî ǃnonadisiǃnaniǀa;

Mulin: ǀGamkaidisi tsî hakadisikoroǀa;

ǃNain: Hakakaidisi tsî ǃnonadisikoroǀa;

Dâukin: ǃNaniǀoadisihûkaidisi tsî ǀgamdisi.

68 ǃKhōsaben ge ǃKhūb di Tempeli Jerusalems ǃnâ mâb tawa a hā, o gu ge ǀnî ǂgaeǂgui-aogu ǃhaoǃnādi diga māsenxase ǁguibade ge mā, îb Tempela ǀnaib ge mâ i ǃkhaib ai ǁkhawa omkhâihe. 69 ǁÎgu ge nē sîsenni ǃaroma ǁkhā gu as kōse ge mā; hoan ǀhaob ai korokaidisi kiloxramgu ǃhuniǀurib, ǀgamǀoadisi tsî ǁkhaisakaidisi kiloxramgu ǀhaiǀurib tsî ǀguikaidisi pristersi saragu tsîna.

70 Pristergu tsî Leviǁîgu tsî ǀnî khoen tsîn ge Jerusalems ǃnâ tamas ka io ǁîs ǀgūse ǂnôa ǃādi ǃnâ ge ǁan. ǁNae-aogu, Tempelǃûi-aogu tsî Tempelsîsenaogu tsîgu ge ǀgūse ǁgoe ǃādi ǃnâ ge ǁan, tsî nau Israelǁîn ge ǁîn aboxan di ge i ǃādi ǃnâ sī ge ǁan.