ǃKhōsis ǃnâ hâ Israelǁîn di ǃgaes
1 Babilons ǃāgu tawa
ǁnāpa da ge ǂnû tsî gere ā
Sions xa da gere ǂâio.
2 ǁNā ǃhūb ǃnâ mâ kai haidi
ai da ge sida di harpde ge ǂgāmâi.
3 ǁNāpan ge sida ge ǁgariǃgû-ūna ams di mîde ge ǂgaoǀkhā da;
ǁnān sida ge ǁgariǃgû-ūn ge ǃgâi amsa ge ǂgan:
“Sions ǁnaetsanadi di ǀguisa ǁnaeba da re!”
4 Mâti da ǃhao ǃhūb ǃnâ
ǃKhūb xa ǁnaetsana-e nî ǁnae?
5 Jerusalemse sasa ta ga ǀuru
ob ti amǀkhāb ǃommi tsîna ǀuruhe re.
6 Ab ti namma ǂkharub ai ǂae re;
sasa ta ga ǀuruo;
Jerusalemsa ta ga ti ǃgâiaǂgaob ǂamai ǀgapiǀgapi tama io.
7 ǃKhūtse ǂâihō re Edommi dina, Jerusalems tsēs ain ra mîo:
“Khôaǁnâ si, khôaǁnâ si, ǃgaoǃgaogu âs kōse!”
8 Babilons ôas, hîkākās ǃoa ǀâxarehe hâse
ǀKhaehen ge hâ ǁnān sida ǀkhas ge dīna ra dīdawa-am sina!
9 ǀKhaehen ge hâ ǁnān, sa ôana tsubu
tsî ǃhaob ai ra ǂanǃāna.
© Khoekhoegowab Elobmîs © Bible Society in Namibia, 2020.
