Elob ǀnammi, ǁîb mâǃoaxa khoen ǃaroma
1 ǃKhūb ge ra mî:
“ǂKhammi a hîa ta ge Israela ge ǀnam
tsî ti ôab ase Egipteba xu ge ǂgai.
2 ǁÎna ta ge ǂgai,
xawen ge ǃaruǀîǀgui tita xu ge bē.
Baalgan ge ge ǁguiba;
ǁgôa-elogan ge khauǁguibade ge dība.
3 Tita ge Efraimma ǃgûsa ge ǁkhāǁkhā ta,
tita ge ǁîna ǁôakha ai ge tani,
xawen ge tita ge ǁîna ǂgauǂgau ǃkhaisa ǂanǃgâ tama hâ.
4 Khoesi tsurigu ǀkha ta ge tita ǁîna ge ǂgae;
ǀnammi di tsurigu ǀkha
tsî ta ge ǁîna ǃnanigu âna xu jokhoesa ra ūkhâi-i ase ge ība;
tita ge ǃgamǃgâ tsî ǁîna ra ǂûmā.
5 “ǁÎn ge Egipteb ǁga nî oa tsîb ge Asiriaba nî ǁîn di gao-ao, tita ǁga oasan ge ǂkhā amaga. 6 Gôab ge ǁîn ǃādi ǃnâ hâ tsî ǁîn ǃādi di daoǁkhaede nî hîkākā tsî ǁîna ǁkhui-aomdi ân ǃnâ nî hapu. 7 Ti ǁaes ge tita xu ǁnāǁgôas ai ǂgāmâisen hâ. Tsîn ga Hoan xa ǀGapiba ǂgaiǀî xawes tsînan ge ǁîba ǀgapiǀgapi tama hâ.
8 “Mâti ta kha nî māǁnâ tsi Efraimtse?
Mâti ta kha nî ǁnāxū tsi Israeltse?
Mâti ta kha Admas khami nî dī tsi
tsî Seboims khami nî ǂnûi tsi?
Ti ǂgaob ge tita ǃnâ dabaǃkhurisen hâ,
ti tsâbaǁhaos ge tita ǃnâ a ǀgaisa.
9 Ti ǁaixasib di ǀgamma ta ge sîsenǂui tide;
ǁkhawa ta ge Efraimma hîkākā tide.
Tita ge a Elo, khoe tama ta ge,
tita ǀguita sadu ǁaegu hâ ta,
ti ǁaixasib ǃnâ ta ge sadu tawa hā tide.
10 “ǁÎn ge ǃKhūba nî saoǃgon, xammi khamib ga ǁîn khākhoen ǃoagu ǃguruo. ǁÎb ga ǃguru on ge ǀgôana ǀkhū rase huriǂoasa xu nî hā. 11 ǁÎn ge Egipteba xu hâ ani-i khami nî ǀkhū, tsî Asiriab di ǃhūba xu hâ ǂnabu-i khami; tsî ta ge tita ǁîna omdi ân ǃnâ nî ǁan kai,”
tib ge ǃKhūba ra mî.Israeli tsî Judab ge ra ǀgoraǃgâhe
12 Efraimmi ge ǂhumib ǀkha hâǂnami te hâ tsî Israeli omma gāxaǃnâsib ǀkha. Judab ge noxopa Elob ǃoagu ra khâikhâisen.
© Khoekhoegowab Elobmîs © Bible Society in Namibia, 2020.
