Gao-aob ǃoabas ǃnâ ge hâ i ǂamkhoegu
1 Israelǁî ǀaokhoen di danakhoegu tsî ǃhaoǃnādi ǂgaeǂgui-aogu tsî ǁîn ǂamkhoegu, gao-aob ǃoabas ǃnâ ge mâ igu di ǃgôakhâib ge nēba. Mâ ǁkhâb kurib dib hoabas ge ǀgui ǃnans, ǀgamdisihakaǀaǀoadisi khoegu disa, ǁnā ǁkhâb di ǂgaeǂgui-aob ǃnaka ǃoabasa gere dī.
2-15 Sao ra ǂgaeǂgui-aogu ge mâ ǁkhâb hoab ǃaroma ge hâ i.
ǂGuro ǁkhâba, Sabdieli ôab Jasobeammi (ǁîb ge ge Peresi ǃhaoǃnās, Judab ǃhaos dis di i.)
ǀGamǁî ǁkhâba, Dodaib, Ahohib surib dib (Mikloti ge ǁîb ǃnaka ǀgamǁî ǂgaeǂgui-aose ge hâ i.)
ǃNonaǁî ǁkhâba, prister Jojadab ôab Benajab. ǁÎb ge ge ǃnonadisi gu di ǂgaeǂgui-ao i. (ǁÎb ôab Amisabadi ge nē ǃnans di ǂgaeǂgui-aose ge saoǃgon bi.)
Hakaǁî ǁkhâba, Joab di ǃgâsab Asaeli. (ǁÎb di ôab Sebadjab ge ǁîba ge saoǃgon.)
Koroǁî ǁkhâba, Samhuti, Isari ôananôagub dib.
ǃNaniǁî ǁkhâba, Ikesi ǃās Tekoas dib di ôab Irab.
Hûǁî ǁkhâba, Pelonsa xu hâ Efraimǁîb Helesi.
ǁKhaisaǁî ǁkhâba, Sibekaib, Husasa xu hâb. (ǁÎb ge Serab ǃhaoǃnās, Judab ǃhaos dis di ge i.)
Khoeseǁî ǁkhâba, Abieseri, Anatots, Benjaminni ǀkharib ǃnâ ǂnôas dib.
Disiǁî ǁkhâba, Maharaib, Netofatsa xu hâb. (ǁÎb ge ge Serab ǃhaoǃnās di i.)
Disiǀguiǀaǁî ǁkhâba, Benajab, Piratons, Efraimmi ǀkharib ǃnâ ǂnôas dib.
Disiǀgamǀaǁî ǁkhâba, Heldaib, Netofatsa xu hâb. (ǁÎb ge ge Otnieli di ôananôagub di i.)
Israelǁîn ǃhaodi di danakhoegu
16-22 Nēb ge Israelǁîn ǃhaodi ǂama ge hâ i danakhoegu di ǃgôakhâiba.
ǃHaos DanakhoebRubenni Sixrib ôab ElieseriSimeonni Maakab ôab SefatjabLevib Kemueli ôab HasabjabAronni SadokiJudab Gao-aob Davidi ǃgâsagu di ǀguib, ElihubIsaskari Mixaeli ôab OmribSebulonni Obadjab ôab IsmajabNaftalib Asrieli ôab JerimotiEfraimmi Asasiab ôab HoseabHuriǂoasǀkhāb Manaseb Pedajab ôab JoeliAiǂoasǀkhāb ManasebSaxariab ôab IdobBenjaminni Abneri ôab JasieliDanni Jerohammi ôab Asareli23 Gao-aob Davidi ge ǀgamdisi kurigu xa ǃnaka hâ khoena ge ǃgôakhâi tama hâ i, ǃKhūb ge Israelǁînab, ǀhommi di ǀgamiron kōse nî ǂguiǂgui ti mîmâi xui-ao. 24 Serujas ôab Joab ge ǃgôakhâib ǀkhab ge tsoatsoa, xawe dītoa tama ge i. Elob ge Israela ǁnā ǃgôakhâib ǃaroma ge ǁkhara; ǁnā-amagab ge ǁnā ǃgôaba ǃNaeǃkhaidi ǂKhanis gao-aob Davidi dis ǃnâ xoamâihe tama ge i.
Nau ǂamkhoegu Davidi digu
25-31 Nēb ge gao-aob ǁuiba gere mûǂamaogu di ǃgôakhâiba:
Gao-aob di ǁui-omgu ǂama Adieli ôab Asmaveti.
Nau ǁui-omgu ǂama Usiab ôab Jonatanni.
ǃGaroǃādi sîsengu ǂama Kelub ôab Esrib.
ǂAuxûiǂûǃhanagu ǂama Simeib, Ramasa xu hâb.
ǂAuxûib ǂama Sabdib, Sefamsa xu hâb.
ǀKherahaidi tsî ǃaub ǀnomahaidi ǃgoaǃnāb didi ǂama Baal-Hananni, Geders dib.
ǀKhera-oli-i ǂama Joasi.
Sarons ǃnâ ra ǃû goman ǂama Sitraib, Sarons dib.
ǃGoaǃnāgu ǃnâ hâ goman ǂama Adlaib, ôab Safati.
ǃNain ǂama Ismaelǁîb Obili.
Dâukin ǂama Jedejab Meronots dib.
Gūn tsî pirin tsîn ǂama Hagarǁîb Jasisi.
Davidi di ǀapemā-aogu
32 Gao-aob Davidi di ǁnaosab Jonatanni ge ge ǁnâuǃāxa ǀapemā-ao tsî ǁkhāǁkhāsa ao i. ǁÎb tsî Hakmonni ôab Jehieli tsîkha ge gao-aob ôagu di ǁgauǃnâsa gere mûǂam. 33 Ahitofeli ge ge gao-aob di ǀapemā-ao i tsî Arkǁîb, Husaib ge ge gao-aob di horesa i. 34 Ahitofeli khaoǃgâ kha ge Abiatari tsî Benajab ôab Jojadab tsîkha ge gao-aob di ǀapemā-ao kai. Joab ge ge gao-aob di toroǂnubis ǂgaeǂgui-ao i.
© Khoekhoegowab Elobmîs © Bible Society in Namibia, 2020.
