Benjaminni di ôananôagub
1 Benjaminni ge koro ǀgôaga ge ūhâ i. ǁÎgu ge kaiba xu tsoatsoa tsî ǂkhammi kōse, Belab, Asbeli, Aharab, 2 Nohab tsî Rafab tsîga.
3 Belab di ôagu ge Adari, Gerab, Abihudi, 4 Abisuab, Naamanni, Ahoab, 5 Gerab, Sefufanni tsî Hurammi tsîga.
6-7 Ehudi di ôagu ge Naamanni, Ahijab tsî Gerab tsîga. ǁÎgu ge ge Gebas ǃnâ ge ǁan hâ i khoen di dana i. ǁÎn ge ega ǁnāpa xu ǁgariǂuihe tsî Manahats ǃnâ sī ge ǁan. Usab tsî Ahihudi tsîkha di îb, Gerab ge ǁîna nē does ǃnâ gere ǂgaeǂgui.
8-9 Saharaimmi ge ǁîb tarara, Husims tsî Baras tsîra xu ge ǀgora. Egab ge Moab di ǃhūb ǃnâb ǁan hâ hîa Hodes ǀkha ǃgame tsî hû ǀgôaga ge ǁorabahe. ǁÎgu ge Jobab, Sibiab, Mesab, Malkammi, 10 Jeusi, Sakiab tsî Mirmab tsîga. ǁÎb ôagu hoagu ge ge ǀaokhoen di dana kai.
11 Husims tawab ge ǁkhāti ǀgam ǀgôakha, Abitub tsî Elpali tsîkha ge ūhâ i.
12 Elpali ge ǃnona ǀgôagu, Eberi, Misammi tsî Semedi tsîga ge ūhâ i. Semedi ge Onos tsî Lods tsî ǁîs ǂnamipe ǁgoe ǃārodi tsîna ge ǂnubi.
Benjaminǁîn, Gats tsî Ajalons tsîra ǃnâ
13 Beriab tsî Semab tsîkha ge Ajalons ǃnâ ge sī a ǁan ǀaokhoen dana ge i kha, tsî ǁîkha ge Gats di ǁanǂgāsabena ge ǃhaeǂui. 14 Beriab di ôagu ge Ahiob, Sasaki, Jeremoti, 15 Sebadjab, Aradi, Ederi, 16 Mixaeli, Ispab tsî Johab tsîga.
Benjaminǁîn, Jerusalems ǃnâ
17 Elpali ôananôagub digu ge Sebadjab, Mesulammi, Hiskib, Heberi, 18 Ismeraib, Isliab tsî Jobab tsîga.
19 Simeib ôananôagub digu ge Jakimmi, Sixrib, Sabdib, 20 Elienaib, Siletaib, Elieli, 21 Adajab, Berajab tsî Simrati tsîga.
22 Sasaki ôananôagub digu ge Ispanni, Eberi, Elieli, 23 Abdonni, Sixrib, Hananni, 24 Hananjab, Elammi, Antotijab, 25 Ifdejab tsî Penueli tsîga.
26 Jerohammi ôananôagub digu ge Samseraib, Sehariab, Ataliab, 27 Jaresiab, Eliab tsî Sixrib tsîga.
28 Nēgu ge ǁîgu ǃhaodi khoen tsî ǂguro ǀaokhoen, Jerusalems ǃnâ ge ǁan hâ in di danakhoe ge iga.
Benjaminǁîn, Gibeons tsî Jerusalems tsîra ǃnâ
29 Jeieli ge Gibeonsa ǂnubi tsî ǁnāpa ge ǁan. ǁÎb taras ge Maaka ti ge ǀon hâ i, 30 tsî ǁîb di ǂguro ǀgôab ge Abdon ti ge ǀon hâ i. Nau ǀgôagu ǁîb digu ge Suri, Kisi, Baali, Neri, Nadab, 31 Gedori, Ahiob, Sekeri 32 tsî Mikloti, Simeab îb tsîga. ǁÎn di ôananôagub ge nau ǀaokhoen ǁîn ǃhaodi din xōǀkhā, Jerusalems ǃnâ ge ǁan hâ i.
Gao-aob Sauli di ôananôagub
33 Neri ge ge Kisi di î i, tsî Kisi ge ge Sauli di î i. Sauli ge haka ǀgôagu, Jonatanni, Malkisuab, Abinadab tsî Esbali tsîga ge ūhâ i. 34 Meribbaali ge ge Jonatanni di î i tsî Meribbaali ge ge Mikab di î i.
35 Mikab ge haka ǀgôagu, Pitonni, Meleki, Tareab tsî Axasi tsîga ge ūhâ i. 36 Axasi ôab ge ge Jehoada i, tsî Jehoadab ge ǃnona ǀgôagu, Alemeti, Asmaveti tsî Simrib tsîga ge ūhâ i. Simrib ôab ge ge Mosa i, 37 Mosab ôab ge ge Binea i, Bineab ôab ge ge Rafa i, Rafab ôab ge ge Eleasa i, tsî Eleasab ôab ge ge Asel i.
38 Aseli ge ǃnani ǀgôagu, Asrikammi, Bokerub, Ismaeli, Searjab, Obadjab tsî Hananni tsîga ge ūhâ i. 39 Aseli ǃgâsab Eseki ge ǃnona ǀgôagu, Ulammi, Jeusi tsî Elifeleti tsîga ge ūhâ i.
40 Ulammi ôagu ge ǂoaǂamsa toroǃkhamaogu, khādi ǀkha gere ǁkhâuga. ǁÎb ge ǀhaob ai ǀguikaidisi tsî korodisi ǀgôagu tsî ǁnurisagu tsîna ge ūhâ i. Aiǃâ goro ǂgaikhâihegu hoagu ge ge Benjaminni ǃhaos di i.
© Khoekhoegowab Elobmîs © Bible Society in Namibia, 2020.
