ǃKhūb ge a ti ǃûi-ao
Davidi Psalms
1 ǃKhūb ge a ti ǃûi-ao
tsî ta xū-i xare-e tôasi tama hâ.
2 ǁÎb ge tita ǀgâxa ǃû-aidi ǃnâ ǁgoe kai
tsî ǃnōsa ǁgamgu ǃoa ra ǂgaeǂgui.
3 Ti ǀomsab ge ǁîba ra khoakhoa
tsîb ra ǂhanu-aisib di daogu ai
ǁîb di ǀons ǃaroma ǂgaeǂgui te.
4 ǃGam ǃkhaenab ǃnâ ta ga ǃgû,
xawe ta xū-i xare-e ǃao tide,
sats tita ǀkha hâ xui-ao.
Sa ǁgâibasenhaib tsî sa ǃhôas
tsîra ge ra ǁkhaeǂgao te.
5 Sats ge ǂûǁaesa ra aiǂhomiba te,
ti khākhoen hoan ra mûse;
ǃgôahesa ǃhaokhoe-i asets ge tita ǃkhōǃoa
tsî ti āǀgabisa ǂnâǂams nîs kōse ra ǀoaǀoa.
6 ǃGâisib tsî ǀnammi âts ge tita nî hâǀkhā, ûi ta hâ ǁaeb hoaba
tsî ta ge ti ûitsēdi hoade sa ommi ǃnâ nî ǁan.
© Khoekhoegowab Elobmîs © Bible Society in Namibia, 2020.
