ǂGaeǂgui-aogu ǁguibadi
1 Moseb ge ǃKhūb di Tentomma ǂnaumâitoa, ob ge Tentommi tsî ǁîb ǃnâ hâ sîsenūxūn, tsî altars tsî ǁîs ai hâ sîsenūxūn tsîna khai tsî ge ǀkhae. 2 Tsî gu ge Israelǁaes di ǂgaeǂgui-aogu, ǃhaodi tsî ǃhaoǃnādi di danaǂgaeǂgui-aogu, ǁîgu ǃhaodi ǃgôakhâiba ge ǃkhōdana hâ iga 3 ǁîgu ǁguibade ǃKhūb di ǃgôasib ǃaroma ge hā-ū: ǃNani kunigu tsî disiǀgamǀa gomagu, ǀgam ǂgaeǂgui-aokha ǃaroma ǀgui kunis tsî ǀgui ǂgaeǂgui-aob ǃaroma gomaba. ǁÎna gu ge ǁguibas khaoǃgâb 4 ge ǃKhūba Moseb ǃoa ge mî: 5 “Nē ǁguibade ǃKhūb di Tentommi sîsenni ǃaroma ǃkhōǃoa; ǁîde Leviǁîna ǁîn ra dī sîsenni ǃoa mā.” 6 Ob ge Moseba kunidi tsî gomagu tsîna Leviǁîna ge mā. 7 ǁÎb ge ǀgam kunira tsî haka gomagu tsîna Gersonǁîna mā, 8 tsî haka kunidi tsî ǁkhaisa gomagu tsîna Merariǁîna ge mā. ǁÎn di hoaraga sîsenni ge Aronni ôab, Itamari ǂgaeǂguis ǃnaka gere dīhe. 9 Xaweb ge Moseba Kohatǁîna kuni-i tamas ka io goma-i xare-e mā tama ge i, ǁîn ǃereamsa ū-ai hâ ǃnâu xūn ǁîn ǃhōdi ai nî tanihe xui-ao.
10 ǂGaeǂgui-aogu ge ǁkhāti altars di khaihes ǃaroma ǁguibade ge hā-ū. ǁÎgu ǁguibade altars ai ǁguibas ǃaroma gu ra ǂhomisen ǁaeb aib ge 11 ǃKhūba Moseb ǃoa ge mî: “ǁÎga mîba î gu disiǀgamǀa tsēde xu mâb hoaba ǀgui tsēsa ǁhûiǂui, ǁîs ais altars khaihes di māsa nî ǁguibahese.”
12-83 Sao ra ǀgaub ai gu ge ǁîgu ǁguibade ge mā:
Tsēs ǃHaos ǂGaeǂgui-aobǂGurose Judab Aminadab ôab, Nasonni;ǀgamǁîse Isaskari Suari ôab, Netaneli;ǃnonaǁîseSebulonni Helonni ôab, Eliab;hakaǁîse Rubenni Sedeuri ôab, Elisuri;koroǁîse Simeonni Surisadaib ôab, Selumieli;ǃnaniǁîse Gadi Deueli ôab, Eliasafi;hûǁîse Efraimmi Amihudi ôab, Elisamab;ǁkhaisaǁîseManaseb Pedasuri ôab, Gamalieli;khoeseǁîse Benjaminni Gideonib ôab, Abidanni;disiǁîseDanni Amisadaib ôab, Ahieseri;disiǀguiǀaǁîseAseri Okranni ôab, Pagieli;disiǀgamǀaǁîseNaftalib Enanni ôab, Ahirab.Mâ ǁguibas hoas hîa gere hā-ūhes ge ǀguiti ǀgui gere mûsen: ǀGui ǀhaiǀuriǃores ǀgui tsî ǃkhare kiloxramga a ǃgoms tsî kai ǀhaiǀuriǃoreb ǁkhaisakaidisi kiloxramga a ǃgommi tsîra, ǂanǃgâsa ǀnōǀgaub ǁgarab ǃoa, hoa ǀgamra ǃhoroǁguibas oli-i ǀkha habasa mel-i xa ǀoa hâse; ǃhuniǀurixapas, ǀguikaidisi tsî disi kiloxramga a ǃgoms, ǃgâihamxūn xa ǀoa hâs; ǂkham ǁgōb, baib, ǀgui kurixa ǁkhaob, khauǁguibas ǃaroma; piriba ǁoreǁguibas ǃaroma; tsî ǀgam ǁgōkha, koro baigu, koro pirigu, tsî koro ǀgui kurixa ǁkhaogu tsîga ǂkhîbagus ǁguibas ǃaroma.
84-88 ǀHaob ai hâ ǁguibadi disiǀgamǀa ǂgaeǂgui-aogu ge altars khaihes ǃaroma a hā-ūdi ge sao rade:
Disiǀgamǀa ǀhaiǀuriǃoredi tsî disiǀgamǀa, kai ǀhaiǀuriǃoredi hoan ǀhaob ai ǀgamdisihûǀa tsî ǃkhare kiloxramga a ǃgomdi
disiǀgamǀa ǃhuniǀurixapadi ǀhaob ai ǀguiǀoadisi ǃnonakaidisi tsî ǀgamdisi xramga a ǃgomdi, ǃgâihamxūn xa ǀoa hâdi;
disiǀgamǀa ǁgōgu, disiǀgamǀa baigu, tsî disiǀgamǀa ǀgui kurixa ǁkhaogu, ǃhoroǁguibas ǁîgu ǀkha nî hâs ǀkha, khauǁguibas ǃaroma hâgu;
disiǀgamǀa piriga, ǁoreǁguibas ǃaroma;
ǀgamdisihakaǀa ǁgōgu, ǃnanidisi baigu, ǃnanidisi pirigu, ǃnanidisi ǁkhaogu ǀgui kurixagu ǂkhîbagus ǁguibas ǃaroma hâgu tsîga.
89 Moseb ge ǃKhūb di Tentommi ǃnâ ǃKhūb ǀkhab nî ǃhoase ǂgâ, ob ge ǃKhūb ra ǃGaeǀhaos ǂGaes ai ǂnôa ǂganais, ǀgam xerukha ǁaegu hâsa xu ǁîb ǀkha ǃhoasa ge ǁnâu.
© Khoekhoegowab Elobmîs © Bible Society in Namibia, 2020.
