Khoesi ǂkhabasib
ǁNaeǃnans ǂgaeǂgui-aob ǃoa
Davidi, ǃKhūb ǃgāb di Psalms
1 ǃÛǂams ge ǂkhaba khoen di ǂgaob ǃgamsib ǃnâ ra ǃhoa.
Tsî i ge Eloba ǃao-i xare-e ǁîn mûǁae a ǀkhai.
2 ǁÎ-aitsaman ǁîn xa ǀgapise ra ǂâi,
ǂkhabasib âna ǂhaisa tsîn ǃhuihe tidese.
3 Ams ân ge ǂhumib tsî ǀhôagaoǃnâsib xa ǀoa hâ,
ǁîn ge gā-aisis tsî ǃgâise dīsa ǀû hâ.
4 Kharob ân ǃnâs tsînan ge ǂkhababa ra ǀape.
ǁÎn ge ǂhanu tama daob ǃnâ mâ,
tsî tātsēs tsîna ǂkhababa ǂhara tama hâ.
Elob di ǃgâisib
5 ǃKhūtse, sa hâhâ ra ǀnammi ge ǀhomgu kōse ra sī;
sa ǂgomǂgomsasib ge ǃâudi kōse ra sī.
6 Sa ǂhanu-aisib ge ǀgaisa ǃhomgu khami ī;
sa ǂhanu-aisib ge ǃgam ǁgammi khami ī;
tsî sats ǃKhūts ge khoesib, ǀgurun tsî xamarina ra sâu.
7 Mâtikōseb a ǃgomǀgausa sa hâhâ ra ǀnamma Elotse.
Khoen ôan ge sa ǁgabogu ǃnaka ra ǁhaiǁhâ.
8 Sa ommi di ǃnāǂamsasib ǃnân ra ǃgâiǃgâisen
tsîts ra ǁîna sa ǃāb, ǃgâiaǂgaob diba xu āsi.
9 Sats a ûib di ǀau
tsî da sa ǃnâb ǃnâ ǃnâba ra mû xui-ao.
10 Sa hâhâ ra ǀnamma ǁnān sa ǃgaeǀhaosa ǂann ǃoa khoraǂui re
tsî sa ǂhanu-aisiba ǁnān ǂgaogu ân ǃnâ ǂhauǃnân ǃoa.
11 As ǂnīǂnīsens ǂaisa tā ti ǂama hā;
îb ǂkhaba khoen di ǃomma tā tita saurubē.
12 ǁNāpan ge ǂkhababa ra dīna ra ǁnā;
ǁîn ge ra ǂnauǁguihe tsîn ge a khâi ǁoa.
© Khoekhoegowab Elobmîs © Bible Society in Namibia, 2020.
