Tempeli ǃnâ ǃoabas di ǃgâiaǂgaob
ǁNaeǃnans ǂgaeǂgui-aob ǃoa
Gitits ǁnaedaob ai
Koraxi Psalms
1 Mâtikōse di a ǀnamǀnamsa sa ǁanǃkhaide ǃKhū, Hoaǀgaixatse!
2 Ti ǀoms ge ǁkhore tsî kaise ra tura
ǃKhūb di ai-omga.
Ti ǂgaob tsî ti khoesib ge ra dâ
ûitsama Elob ǃoa.
3 Anisa xawes (ǂûs) ge om-e ge hō
tsî swabelanisa omrosa ge hōbasen
ǁîs ǂkhamronas ra ǁgui ǃkhaisa, sa altardi tawa,
ǃKhū, Hoaǀgaixatse, ti gao-ao tsî ti Elotse.
4 ǀKhaehen ge hâ ǁnān sa ommi ǃnâ ǁan hâna;
ǁîn ge satsa hoaǁae ra koaǁnaeba.
5 ǀKhaehen ge hâ ǁnān ǀgaib ân sats ǃnâ hân,
ǂgaob ân ǃnâ gu ǃgûkhoesis daoga ǁgoena.
6 Bakas di ǂnâsa ǃgoaǃnāgu ǃnâ-un ga ǃkharu
on ge ǁîba ǀause ra dī,
tsîb ge ǁkhāti ǂguro ǀnanuba ǁîna ǁgam-i ǀkha ra ǀkhae.
7 ǁÎn ge ǀgaiba xu ǀgaib ǁga ra ǃgû
mâ-i hoa-i ge Elob aiǃâ, Sions ǃnâ nî ǂhai.
8 ǃKhū, Elo Hoaǀgaixatse ditse, ti ǀgoresa ǁnâu re
ǁnâu re Jakob Elotse.
9 Sida ǁkhaukhōba kōǀî re, Elotse
sa ǂkhauǀkhāsabeb di aisa kōǀî re.
10 ǀGui tsēs ǀguisa sa ai-omgu ǃnâ hâs ge
ǀoadisi tsēde ǀkhara ǃkhain ai hâs ǃgâ-ai a ǃgâi.
ǁNā-amaga ta ge tita ǁhûibasen hâ ti Elob di dao-ams tawa mâsa
ǂomxase ta nî eloxoresasib di tentdi ǃnâ ǁans xa.
11 ǃKhūb Elob ge sore tsî a ǁkhaukhō,
ǁÎb ge ǀkhommi tsî ǃgôasiba tsîkha ra mā.
Tsî ǁnān ǂnao-ose ra ûina xub ge ǃgâib âba ūdawa tama hâ.
12 ǃKhū Hoaǀgaixatse, mâtikōsen a ǀkhaesa ǁnān satsa ra ǂgomǃgâna!
© Khoekhoegowab Elobmîs © Bible Society in Namibia, 2020.
