Khākhoena xu sâuhes di ǀgores
ǁNaeǃnans ǂgaeǂgui-aob ǃoa
Davidi Psalms
1 ǁNâu re Elotse ti ǀhâisa;
khākhoeb di ǃaoba xu ti ûiba sâu re.
2 ǂKhaba khoen di ǀapede xu gaugau te re;
ǁnān ǂkhababa ra sîsenna xu.
3 Namdi âna gôab khami ǀāǀā
tsî au mîde ǂāb khami ra ǂgaeǃnâna.
4 ǀHapio khoena ǂganǃgâsa ǃkhaidi ai nî ǁkhâuse
tsîn ge ǃnapetamase ra ǁkhâu bi, ǃao tamase.
5 ǂKhaba ǀapedi ǃnân ra ǂgaoǂgaoǃnâgu;
ǁîn ge ǁnoade ra gaugau,
“Tari-e ǁîde nî mû ti mî tsî.”
6 ǁÎn ge ǂhanuoǃnâsiga ǀape tsî ra mî:
“Sida ge ǃgâi ǀhôagao ǀapesa go ǂâiǂui.”
Khoe-i di ǃnākhoesib tsî ǂgaob ge a gāxaǃnâ.
7 Elob ge ǂāb ǀkha ǁîna nî ǁkhâu
tsîn ge ǃhaese nî tsûtsûhe.
8 Tsîs ge nams âna ǁîn di ǁnāsa ra ǃaroma
tsî nēsa ga mûn hoan ge nî ǃnabindana.
9 On ge hoa khoena ǃaob xa ǀoa tsî
Elob di sîsenga ǂhôa tsî
ǁîb sîsenna nî ǁnâuǃā.
10 ǂHanu-ain ge ǃKhūb ǃnâ ǃgâiǃgâisen
tsî ǁîb ǃnâ nî sâusen.
Hoan hîa ǂgaogu ân ǃnâ ǂhauǃnân
ge ǁîb xa nî koasen.
© Khoekhoegowab Elobmîs © Bible Society in Namibia, 2020.
