Khoesi ǂkhabasigu
ǁNaeǃnans ǂgaeǂgui-aob ǃoa
Davidi Psalms
(Psalm 14)1 Gâ khoen ge ǁî-aitsama
“Elo-i ge a ǀkhai” ti ra mîbasen.
ǁÎn ge ǂhanuoǃnâ
tsî tsū xūna dī hâ;
ǂHanuse ra dī khoe-i xare-i ge a ǀkhai.
2 Elob ge ǀhomma xu khoen ǃoa ra kōǁgôa,
ǀgui-i xawe-i ǁîn ǃnâ gā-ai tama,
Eloba ra ôa-e ǃkhaisab nî mûse.
3 Xawen ge hoana tsūdī hâ
tsî ǀguitikōse a ǂkhaba.
ǀGui-i ân tsîn ge ǂhanu xū-e dī tama hâ,
ǀgui-i xawe-e.
4 “Hoaraga khoen hîa a ǂkhaban,
ti khoena pere-en ra ǂû khami
ra hapuna kha ǁnâuǃā tama hâ?”
tib ge Eloba ra dî.
5 ǁÎn ge hoaragase ra ǃao,
Elob ǂhanu-ai ǃhaos ǀkha hâ xui-ao.
Tsî di ge sadu di ǂkhaba ǀapedi,
ǃgamǃgamsen hân ǃoagu du ra dīde ǃgâiǃgâ tide,
Elob a ǁîn di ǁhaiǁhâǃkhai amaga.
6 Ab toxopa huiba Sionsa xu
Israelsa hāba re.
Mâtikōsen Israels khoen,
Jakob dina nî ǃgâiaǂgao,
Elob ga ǁîna ǁkhawa ǃgâiǃgâxa kaio!
© Khoekhoegowab Elobmîs © Bible Society in Namibia, 2020.
