Sions ǃnâ ǁans di ǃgâiaǂgaob
Koraxi ôagu di ǁnaetsanas
Psalms
1 ǃGaoǃgaohe hâ ǃās âb ge ǃanu ǃhomgu ai hâ.
2 ǃKhūb ge Sions di ǂgâ-amde
Jakob ǁanǃkhaidi hoadi ǃgâ-ai a ǀnam.
3 ǂKhaisa xūn ge sas xa ra ǃhoahe, Elob di ǃāse:
4 Tita ge Rahabs tsî Babilonsa nî ǂâihō kai ǁnān tita ǂann tawa;
mû Filistiab tsî Tirusi tsîkha tsî Etiopiaba, ǁîb ge ǁnāpa ǃnae hâ.
5 Tsî Sions xa i ge ra mîhe: “Mâ khoe-i hoa-i ge ǁîs ǃnâ ge ǃnae
tsî Hoan xa ǀGapib ge aitsama ǁîsa nî ǂnubi.”
6 ǃKhūb ge nî ǃgôakhâi, ǁaedeb ga xoamâio:
“Nē-i ge ǁnāpa ǃnae hâ” ti.
7 ǁÎn ge ǂnā rase ra ǁnae:
“Ti ǀaudi hoadi ge sats ǃnâ hâ.”
© Khoekhoegowab Elobmîs © Bible Society in Namibia, 2020.
