Ti ǂhanu-aisib xa ǂâi re
Davidi Psalms
1 ǂHanu-aise ǀgoraǃgâ te re ǃKhūtse;
ǀhapio ûiba ûi
tsî ta ge ǁnobe tamase ǃKhūba ǂgomaiǂnûi xuige.
2 ǃÂitsâ î ôaǃnâ te re
ti ǂgaob tsî ǃnaira tsîna ǃâitsâ re.
3 Sa hâhâ ra ǀnammi ti aiǃâ hâ
tsî ta sa amab ǃnâ ra ûi xuige.
4 ǂKhaba khoen ǀkha ta ǀguipa ǂnû tama
tsî ǀhôagao khoen ǀkha ǀguipa ǃgû tama hâ.
5 ǂKhabadī-aon ǀkha ǀguipa hâsa ta ǁkhan hâ
tsî ta ǂkhaban ǀkha ǂnû tide.
6 Ti ǃomra ta ǀhapiosib ǃnâ ǁā
tsî sa altarsa ra ǃgûǂnami ǃKhūtse.
7 Gangantsanasa ǃgari dommi ǀkha ǁnae
tsî sa buruxa sîsengu xa ra ǃkhō-amse.
8 ǃKhūtse, sa ommi di ǁanǃkhais,
sa ǂkhaisib ǁanǃkhaisa ta ge a ǀnam.
9 Tā ǁore-aon ǀkha ūbē te re;
ti ûiba ǃgamaon diba xu ūbē re.
10 ǃOmdi ân ǃnâb ǂkhababa hân,
tsîb amǀkhāb ǃommi âna ǁamaǃkhunis xa ǀoa hâna.
11 Xawe tita ge ti ǂhanu-aisib ǃnâ ra ûi
xuige ore î ǀkhomxa te re.
12 Ti ǂais ge ǂhauǂhausa ǃkhaib ai mâ
tsî ta ge tita ǀhaohâb ǃnâ ǃKhūba nî koa.
© Khoekhoegowab Elobmîs © Bible Society in Namibia, 2020.
