Elob ge hâǀkhā da
ǁNaeǃnans ǂgaeǂgui-aob ǃoa. Koraxi ôagu di Psalms. Alamot ǃoa. ǁNaetsanas
1 Elob ge sida ǁhaiǁhâǃkhai tsî a sida ǀgai,
ama hâ a hui-aoba, ǃgomgu ǁaeb ǃnâ.
2 ǁNā-amaga da ge ǃao tide ǃhūbaib ga ǀkhara xawe;
ǃhomgu ga hurib ǃgamsib kōse ǀkharaǀkharahe xawe.
3 ǁGamgu ǁîb digu ga ǀō tsî goa
tsî ǃhomga ǀkhū ǁîb di ǁgaos xa xawe.
4 ǁNāpab ge ǃāb, ǁîb di dâudi ra Elob ǃāsa ǂkhî kaiba hâ;
Hoan xa ǀGapib di ǃanu ǁanǃkhaisa.
5 Elob ge ǁnā ǃās ǃnâ hâ, tsîs ge ǁnobe tide,
Elob ge ǁîsa ǃnauǁgoaga nî hui.
6 ǁAedi ge ra khâikhâisen, gaosigu ra ǁnobe;
ǁîb ge ra gowa, tsîb ge ǃhūbaiba ra tsuni.
7 ǃKhūb Hoaǀgaixab ge hâǀkhā da;
Jakob Elob ge a sida di ǁhaiǁhâǃkhai.
8 Hā, î ǃKhūb di sîsenga hā mû re,
ǁnāb ǃhūbaib ai tsūǀkhāga ra hā-ūba.
9 ǁÎb ge toroga hoaraga ǃhūbaib ai ǀû kai,
khāsa khôa tsî gôaba ǀgam ǃâra ǃnâ khôa
tsî torokunide ǀaes ǀkha ra khauǂui.
10 ǀÛ, î ǂan re tita a Elo ǃkhaisa;
ǁaedi ǁaegu ta ge nî ǀgapiǀgapihe,
ǃhūbaib ai ta ge nî ǀgapiǀgapihe.
11 ǃKhūb Hoaǀgaixab ge hâǀkhā da
Jakob Elob ge a sida di ǁhaiǁhâǃkhai.
© Khoekhoegowab Elobmîs © Bible Society in Namibia, 2020.
