Khākhoen ǃoagu hâ ǁkhaubahes di ǀgores
ǁNaeǃnans ǂgaeǂgui-aob ǃoa: ǁApaxa ǀkhōxūn ǀkha. Davidi Maskils. Sifǁîn ge Sauli ǁga ǃgû tsî “Davida kha sida ǁaegu gau tamab hâ” ti dî ǁaeb ai.
1 Elotse, sa ǀons ǀkha ore te re
î sa ǀgaib ǀkha ti ǁhōba ǂnoaba te re.
2 Elotse, ǁnâu re ti ǀgoresa;
î ǃgâ ti ams di mîde.
3 ǃHaokhoen ge tita ǂama ge khâi,
ǁgauoǃnâ khoen ge ti ûiba ra ôa,
ǁnān hîa Eloba ǁîn aiǃâ mâi tamana.
4 Mû, Elob ge a ti hui-ao,
ǃKhūb ge ti ûiba ǃkhōmâi hâ.
5 Ab nē ǂkhabab ti khākhoen
ti ǃoagu ra ǀapeba ǁîna mādawa-amhe;
ǃKhūb ge ǁîna nî hîkākā,
ǂgomǂgomsab a amaga.
6 Māsenxase ta ge satsa ra ǁguiba;
tsî ta ge sa ǀonsa nî koa,
ǃgâits a xui-ao, ǃKhūtse.
7 ǁÎb ge tita hoa ǂōǂōsiga xu ge ore
tsî ta ge dans ǀkha ti khākhoena ge kō.
© Khoekhoegowab Elobmîs © Bible Society in Namibia, 2020.
