Judab di ôananôagub
1 Jakob ge disiǀgamǀa ǀgôaga ge ūhâ i. ǁÎgu ge Rubenni, Simeonni, Levib, Judab, Isaskari, Sebulonni, 2 Danni, Josefi, Benjaminni, Naftalib, Gadi tsî Aseri tsîga.
3 Judab ge koro ǀgôaga ge ūhâ i. ǁÎb di Kanaanǁî taras, Batsuas tawab ge ǃnona ǀgôagu, Eri, Onanni tsî Selab tsîga ge ūhâ i. ǁÎb di ǂguro ǀgôab Eri ge ǃKhūb mûǁae ge ǂkhaba i tsî ǁîb xa ge ǃgamhe. 4 ǁÎb di ǀuiǀgôas Tamars tawab ge ǀgam ǀgôakha ge ūhâ i, Peresi tsî Serab tsîkha.
5 Peresi ge ǀgam ǀgôakha, Hesronni tsî Hamuli tsîkha ge ūhâ i. 6 ǁÎb di ǃgâsab Serab ge koro ǀgôaga ge ūhâ i: Simrib, Etanni, Hemanni, Kalkoli tsî Dardab tsîga. 7 Karmib ôab Axanni, Serab surib dib ge ǃKhūb khaibahe hâ xūna ǃnari tsî ǁnās ǀkha tsūǀkhāba Israeli ǂama ge hā-ū.
8 Etanni ge ǀgui ǀgôab, Asariab ǀguiba ge ūhâ i.
Gao-aob Davidi ge hāxū surib
9 Hesronni ge ǃnona ǀgôaga ge ūhâ i: Jeraxmeeli, Rammi tsî Kaleb tsîga.
10 Ramma xu Isaib kōse ra sī ôananôagub di ǀondi ge nēde: Rammi, Aminadab, Nasonni (Judab ǃhaos ǃnâ ge ǂgaeǂgui-ao i khoeb ge nēba), 11 Salmonni, Boasi, 12 Obedi tsî Isaib tsîga.
13 Isaib ge hû ǀgôaga ge ūhâ i. ǁÎgu ge ǂguroba xu tsoatsoa tsî nēti gere saogu; Eliab, Abinadab, Samab, 14 Netaneli, Radaib, 15 Osemmi tsî Davidi tsîga. 16 ǁÎb ge ǁkhāti ǀgam ǀgôara ge ūhâ i: Serujas tsî Abigails tsîra.
Isaib ôas Serujas ge ǃnona ǀgôaga ge ūhâ i: Abisaib, Joab tsî Asaeli tsîga. 17 Nau ǀgôas ǁîb dis, Abigails ge Ismaelǁîb, Jeteri ǀkha ge ǃgame hâ i tsî ǁîra ôab ge Amasa, ti ge ǀon hâ i.
Hesronni di ôananôagub
18 Kaleb ôab Hesronni ge Asubas ǀkha ge ǃgame tsî ra ge Jeriot ti ǀon hâ ǀgôasa ge ūhâ i. ǁÎs ge ǃnona ǀgôaga ge ūhâ i: Jeseri, Sobab tsî Ardonni tsîga. 19 Asubas ge ǁō, ob ge Kaleba Efrats ǀkha ge ǃgame, tsî ǁîra ôab ge Hur ti ge ǀon hâ i. 20 Huri ôab ge ge Uri i tsî ǁnurisab âb ge Besalel ti ge ǀon hâ i.
21 Hesronni ge ǃnanidisi kurixab a hîa Makiri ôas, Gileadi ǃgâs ǀkha ge ǃgame. ǁÎra ôab ge Segub ti ge ǀon hâ i, 22 tsî Segub ge Jair ti ǀon hâ ǀgôaba ge ūhâ i. Jairi ge ǀgamdisiǃnonaǀa ǃāde Gileadǀkharib ǃnâ gere ǂgaeǂgui. 23 Xawe ra ge Gesurs tsî Arams tsîra di gaosira ǃnanidisi ǃāde ǁnāpa dan, Jairi tsî Kenati tsîkha di ǃārodi tsî ǀgūse ǁgoe ǃādi tsîna ǃkhōǂgā hâde. ǁNāpa ge ǁan hâ i khoen hoan ge Gileadi îb Makiri di ôananôagub di ge i. 24 Hesronni ge ǁōs khaoǃgâb ge ǁîb ôab Kaleba ǁîb îb di ǃoataras, Efrats ǀkha ge ǃgame. ǁÎra ge Asxur ti ǀon hâ ǀgôaba ge ūhâ i, Tekoasa ge ǂnubiba.
Jeraxmeeli di ôananôagub
25 Hesronni di ǂguroǃnaesab Jeraxmeeli ge koro ǀgôaga ge ūhâ i: Rammi, hoagu xa kaib, tsî Bunab, Orenni, Osemmi tsî Ahiab tsîga. 26-27 Rammi ge ǃnona ǀgôaga ge ūhâ i: Maasi, Jaminni tsî Ekeri tsîga. Jeraxmeeli ge ǀnî taras Atara ti ge ǀon hâ isa ge ūhâ i tsî ǁîra ôab ge Onam ti ge ǀon hâ i. 28 Onammi ge ǀgam ǀgôakha, Samaib tsî Jadab tsîkha ge ūhâ i, tsî Samaib tsîn ge ǀgam ǀgôakha, Nadab tsî Abisuri tsîkha ge ūhâ i.
29 Abisuri ge Abihail ti ǀon hâ khoes ǀkha ge ǃgame, tsî ra ge ǁîra ǀgam ǀgôakha, Axbanni tsî Molidi tsîkha ge ūhâ i. 30 Abisuri ǃgâsab Nadab ge ǀgam ǀgôakha ge ūhâ i, Seledi tsî Apaimmi tsîkha, xaweb ge Seleda ǀgôa-e ūhâ tamase ge ǁō. 31 Apaimmi di ôab ge Isi ti ge ǀon hâ i, tsî Isib ôaba Sesan tsî Sesanni ôaba Axlai.
32 Samaib di ǃgâsab Jadab ge ǀgam ǀgôakha ge ūhâ i, Jeteri tsî Jonatanni tsîkha, xaweb ge Jetera ǀgôa-e ūhâ tamase ge ǁō. 33 Jonatanni ge ǀgam ǀgôakha, Peleti tsî Sasab tsîkha ge ūhâ i. ǁÎn hoan ge ge Jeraxmeeli surib di i.
34 Sesanni ge aore ǀgôa-e ge ūhâ tama hâ i tsî ǀgôadi ǀguide ge ūhâ i. ǁÎb ge Egipteǁî ǃgāb, Jarha ti ǀon hâba ge ūhâ i, 35 tsîb ge ǁîb ôadi di ǀguisa Jarhab ǀkha ge ǃgame kai. ǁÎra ge Atai ti ǀon hâ ǀgôaba ge ūhâ i. 36 Ataiba xu Elisamab kōse ra sī ôananôagub di ǀondi ge nēde: Ataib, Natanni, Sabadi, 37 Eflali, Obedi, 38 Jehub, Asariab, 39 Helesi, Eleasab, 40 Sismaib, Salummi, 41 Jekamiab tsî Elisamab tsîde.
Nau ôananôagub Kaleb dib
42 Jeraxmeeli di ǃgâsab Kaleb di ǂguro ǀgôab ge Mesa ti ge ǀon hâ i. Mesab ge ge Sifi di î i, tsî Sifi ge ge Maresab di î i, tsî Maresab ge ge Hebronni di î i. 43 Hebronni ge haka ǀgôaga ge ūhâ i: Koraxi, Tapuab, Rekemmi tsî Semab tsîga. 44 Semab ge Rahammi di î tsî ge Jorkeammi di ǁnaosa i. Semab di ǃgâsab Rekemmi ge ge Samaib di î i, 45 Samaib ge ge Maonni di î i tsîb ge Maonna ge Betsuri di î i.
46 Kaleb ge xōǀkhātaras Efa ti ǀon hâsa ge ūhâ i, tsî ǁîs tawa ǃnona ǀgôagu, Haranni, Mosab tsî Gasesi tsîga ge ūhâ i. Haranni tsîn ge Gases ti ǀon hâ ǀgôaba ge ūhâ i.
47 (Jadai ti ǀon hâ aob ge ǃnani ǀgôaga ge ūhâ i: Regemmi, Jotammi, Gesanni, Peleti, Efab tsî Safi tsîga.)
48 Kaleb ge ǀnî xōǀkhātaras, Maaka ti ǀon hâsa ge ūhâ i, ǁîs ge ǀgam ǀgôakha, Seberi tsî Tirhanab tsîkha ge ǁoraba bi. 49 Egas ge ǀnî ǀgam ǀgôakha ge hō: Safi, Madmanasa ge ǂnubib tsî Sevab, Makbenas tsî Gibeas tsîra ge ǂnubib tsîkha.
Kaleb ge Aksa ti ǀon hâ ǀgôasa ge ūhâ i.
50 Nē ra saogu tsîn ge a Kaleb di ôananôagub di.
Kaleb tsî ǁîb taras Efrats tsîra di ǂguro ǀgôab ge ge Hur i. Huri ôab Sobali ge Kirjat-Jearimsa ge ǂnubi. 51 ǁÎb di ǀgamǁî ǀgôab Salmab ge Betlehemsa ge ǂnubi tsî ǁîb di ǃnonaǁî ǀgôab Harefi ge Betgadersa ge ǂnubi.
52 Kirjat-Jearims di ǂnubi-aob Sobali ge ge sao ra khoen di aboxa i: Haroes di khoen, ǃkhare ǃâb Menuhots ǁanǂgāsaben dib, 53 tsî Kirjat-Jearims ǃnâ ge ǁan hâ i ǃhaodi, Jitriǁîn, Putǁîn, Sumaǁîn tsî Misraǁîn tsîna. (Soras tsî Estaols tsîra di ǁanǂgāsaben ge ge nē ǃhaodi di khoe i.)
54 Betlehems di ǂnubi-aob Salmab ge ge Netofas, Atrot-Bet-Joab tsîra di khoen, tsî Sorǁîn Manahats ǃnâ ge hâ i ǃhaora di ge in tsîn di aboxa i. 55 (Sao ra ǃhaodi di khoegu, xoas tsî ǁgâiǁnâs ǂansa ūhâgu ge Jabes ǃnâ ge ǁan hâ i: Tiratǁîn, Simeatǁîn tsî Sukatǁîn tsîna. ǁNān ge Rexabǁîn ǀkha ge ǃgameǃnâgu hâ i Kenǁîna.)
© Khoekhoegowab Elobmîs © Bible Society in Namibia, 2020.
