ǃKhūb ǃnâ hâ ǂgomǃgâs
ǁNaeǃnans ǂgaeǂgui-aob ǃoa.
Davidi Psalms
1 Tita ge ǃKhūb ǃoa ra ǁhaiǁhâ.
Mâti du tita ǃoa a mî ǁkhā:
“Ani-i khami ǃhomgu ǃoa ǁkhana re.
2 ǁNāpan ǂkhaba khoena khādi tsî ǂāgu tsîna ra ǂhomi,
ǂhanu-ai khoena nî ǁkhâuse xuige.
3 ǂHanu-ai khoe-i nî dī xū-i xare-i ge a ǀkhai
ǃgaoǃgaogu ga ǁnobeǁnobeheo?”
4 ǃKhūb ge ǁîb di ǃanu Tempeli ǃnâ hâ
tsî trons âba ǀhommi ǃnâ ūhâ.
Mâpa ǀguin ga hâ xaweb ge ǁîba khoena ra ǃûi
tsî tarenan ra dīsa a ǂan.
5 ǁÎb ge ǀguitikōse ǂhanu-ain tsî ǂkhaban tsîn hoana ra ôaǃnâ
tsîb ge ǂhanuoǃnâna ǁîb di hoaraga ǂgaob ǀkha ǁkhan hâ.
6 ǁÎb ge khau ra ǂnomdi tsî sulfuri tsîna ǂkhaba khoen ǂama ra sîǁnâ;
ǁînab ge ǀgaisa ǂoab ǀkha nî ǁkhara.
7 ǃKhūb ge a ǂhanu-ai, tsîb ge ǂhanu-ai sîsenga a ǀnam,
tsîn ge ǁnān ǂhanu-ai sîsenga ra dīna, ǁîb ǀhûhâsib ǃnâ nî ûi.
© Khoekhoegowab Elobmîs © Bible Society in Namibia, 2020.
