Elob ge a ǃhūbaib di ǂgaeǂgui-ao
Psalms
1 ǁNaeba re ǃKhūba ǀasa ǁnaetsana-e
buruxanab ge dī amaga.
ǁÎb di amǀkhāb ǃommi ge dansa ge mā bi
tsî ǁîb ǃanusib ǁôab ge ge hui bi.
2 ǃKhūb ge ores âba ge ǂanǂan
ǁaedi mûǁaeb ge ǁîb ǂhanu-aisiba ge ǂhaiǂhai.
3 ǁÎb di hâhâ ra ǀnammi tsî ǂgomǂgomsasib
Israelsab ūba hâb xab ge ge ǂâi.
ǃHūbaib di ǀkhâuǀamdi hoadi ge
sada Elob di ǃgâiǃōsiba ge mû.
4 Dâba re ǃKhūba ǃhūbaits hoatse
ǃgâiaǂgao, î dâb xa ǂgaiǂui tsî ǁnae re.
5 ǁNaeba re ǃKhūba harps di ǀōb ǀkha!
6 ǀGapadas tsî xâiǁnâs di ǀōb ǀkha
ǃKhūb sadu gao-aob aiǃâ dâ re.
7 Ab hurib tsî ǁîb ǃnâ hâna ǀō re;
ǃhūbaib tsî ǁîb ǃnâ ǁan hân hoana.
8 ǃĀgu ge ǃomga nî ǁam,
tsî ǃhomgu ge ǃKhūb aiǃâ nî dâǁnae,
9 ǁîb ǃhūbaibab nî ǀgoraǃgâse ǃgoaxa xui-ao.
ǁÎb ge ǃhūbaiba ǂhanu-aisib ǀkha nî ǀgoraǃgâ
tsî ǂhanu-ai ǁaes tsîna.
© Khoekhoegowab Elobmîs © Bible Society in Namibia, 2020.
