Koatsanas
1 A da koaǁnaeba re ǃKhūba;
a da ǃgarise ǁnaeba re sada ores di ǃgareǀuiba!
2 A da ǁîb aiǃâ ganganxasib ǀkha ǀgū re,
î da ǁnaetsanadi ǀkha ǃgarise ǁnaeba bi.
3 ǃKhūb Elob ge a kai,
hoaraga elon ǂamai a gao-aoba.
4 ǃHūbaib di ǃgamsib ge ǁîb ǃomǁae hâ
tsî ǃhomgu di ǀgapib ge a ǁîb di.
5 Hurib ge a ǁîb di
tsî ǁîb ǃomkha ge ǂnâsa ǃhūb tsîna ge kuru.
6 Hā re, î da ǃhon tsî ǀgoreǀî bi;
hā re, î da ǃKhūb sada Kuru-aob aiǃâ ǃhon.
7 ǁÎb ge a sada Elo
tsî sada ge a ǁîb di ǃû-ais di,
ǁîb ǃommi di gūda, dommi âba nî ǃgâ da.
8 Tā ǂgaogu âdo Meribas tsēs ais khami karokaro,
Masas tawa du ge ǃgaroǃhūb ǃnâ dī hâ i khami.
9 Sadu aboxan ge tita ǁnāpa ǃâitsâ
tsî ti sîsenga ge mû.
10 Hakadisi kuriga ta ge nē ǃhaos ǀkha ge ǁaixa hâ i
tsî ta ge ge mî: “Nēn ge ǂgaogu ân ra kā
tsî ti daoga ǂan tamana.”
11 ǁNā-amaga ta ge ti ǁaixasib ǃnâ ge nū
“Ti sâb ǃnân ǂgâ tide” ti.
© Khoekhoegowab Elobmîs © Bible Society in Namibia, 2020.
