ǂHanu-aisib ǃaroma hâ ǀkhomas
ǁNaeǃnans ǂgaeǂgui-aob ǃoa
Gitits ǁnaedaob ai
Asafi Psalms
1 Elob ge ǃanun di ǀapeǀhaos ǃnâ mâ;
elogu ǁaegub ge ǁîb ǀgoraǃgâsa ra mā:
2 “Mâ ǁaeb kōse go ǂhanuoǃnâse ǀgoraǃgâ
tsî ǂkhaba khoen ǃgâib ǃoa nî ǀkhāǁhûi?
3 ǂHanu-aise ǂkhabusan tsî ǃguniǀgôan ǃoagu ǀgoraǃgâ re
ǂhanuǂhanuba re ǁgâiǀāhe ran tsî ǀgâsan tsîna.
4 ǀGâsan tsî ǂhâb ǃnâ hâna
ǂkhaba khoen di ǃomma xu ore re.
5 “ǁÎn ge ǂan tama tsî ǁnâuǃā tama hâ
ǃkhaenas ǃnân ge ra ǃgûma
hoaraga ǃgaoǃgaogu ǃhūbaib digu ge ra ǁnobe.
6 ‘Sago ge a elo
tsî go ge sago hoago a Hoan xa ǀGapib di ôa’ ti ta ge ge mî.
7 Xawe du ge khoesib ǁkhāb khami nî ǁō
gaosagu di ǀguib khami du ge nî ǁnā.”
8 Elotse khâimâ re, î ǃhūbaiba ǀgoraǃgâ
hoa ǁaedi a sa xuige.
© Khoekhoegowab Elobmîs © Bible Society in Namibia, 2020.
