Psalmdi 8 - Khoekhoegowab New Translation 2020 (KKG20)

Elob ǂkhaisib tsî khoesi anusib

ǁNaeǃnans ǂgaeǂgui-aob ǃoa, Gitis ai

Davidi Psalms

1 ǃKhūtse, sida ǃKhūtse

sa ǀons di kaisib ge hoaraga ǃhūbaib ǃnâ a mûsa!

Sa ǂkhaisib ge ǀhomma ra īǂam;

2 tsîn ge ǀgôaron tsî dairan

tsîna sa kaisiba ra koaǁnae.

ǁNā ǀgaus ain ge sa mâǃoa-aon,

khākhoen tsî ǀkhaoǂgaoxan tsîna ra ǃnōǃnōhe.

3 ǀHommi sats ge kurub,

ǁkhâb tsî ǀgamiron, ǁîn ǃkhaidi aits ge ǂnûina ta ga kō-o;

4 tare xū-e khoe-e, ots ra ǁî-i xa ǂâi,

tsî khoen ôa-e, ots ra ǁî-e kōǀî?

5 ǂKharirose ǀguits ge ǁî-e Elob ǃnaka ge dī

tsî ǂkhaisib tsî ǃgôasib tsîkha ǀkha ǁî-e ge ǀgapa;

6 tsîts ge ǁî-e sa ǃomkha di sîsengu ǂama mâi

tsî hoaraga xūna ǁî-i ǂaira ǃnaka ge dī.

7 ǁKhāti, gūn, goman tsî ǃgarob ǀgurun tsî xamarin,

8 anin, ǁaun tsî hoaraga kurusaben hurib din ǂama.

9 ǃKhūtse, sida ǃKhūtse

sa ǀons di kaisib ge hoaraga ǃhūbaib ǃnâ a mûsa!