Elob ge a danao
ǁNaeǃnans ǂgaeǂgui-aob ǃoa ǁapaxa ǀkhōxūn ǀkha
Asafi Psalms. ǁNaetsanas
1 Judab ǃnâb ge Eloba a ǂansa
ǀons âb ge Israeli ǃnâ a kai.
2 Ommi âb ge Salems ǃnâ a ǁapoǁaposa
ǁanǃkhais âba Sions ǃnâ.
3 ǁNāpab ge ǀaexa ǂāga ge khôa,
ǁkhaukhōs tsî gôab tsî torob tsîna.
4 ǀGapi tsîts ge a ǂkhaisa
ǁkhâuǁnâs di ǃhomgu ǃgâ-ai.
5 ǁKhoaǂgaoxan ge ge hîkākāhe
tsîn ge ǀamose ge ǁom.
ǀGui ǃkhamaob tsîn ge ǃommi âba ge ūkhâi ǁoa i.
6 Sats Jakob Elots di ǃkhâikhomsa xus kom
kunidi tsî hāgu ge ǁomsa.
7 Xawe sats ǃKhūts ge a ǃhuriǃhurisa.
Tari-e kha sats aiǃâ a mâ ǁkhā, ǁaixats kao?
8 ǀHomma xuts ge ǀgoraǃgâsa ge gowaǂui
ǃhūbaib ge ǃao tsî ge ǃnōsa i,
9 sats Elots ge ǀgoraǃgâ nîse khâio,
hoaraga ǁgâiǀāhe hân ǃhūbaib dinats nî sâuse.
10 Amaseb ge ǁaixasib khoen diba koasa nî ūsība tsi,
ǀuni ǃgau hâ ǁaixasib dib ǀkhats ge satsa nî ǃgaesen.
11 Mîmâisa dī î sadu ǃKhūb Eloba dīǀoaǀoaba re;
ǁîb ǂnamipe hâdu hoado ǀkhaexū-e ǁnāb ǃaohesa anu hâba ūsība re.
12 ǁÎb ge gaosaga ra ǃgamǃgam;
ǃhūbaib di gao-aogu ge ǁîba ra ǃao.
© Khoekhoegowab Elobmîs © Bible Society in Namibia, 2020.
