ǁKhaeǂgaob tsî ǁaposasib Elob ǀgūhâsib ǃnâ
Davidi Psalms, Judab ǃgaroǃhūb ǃnâb ge hâ i ǁaeb ǃnâ
1 Elotse, sats ge a ti Elo;
satsa ta ge ra ôa.
Ti ǀoms ge sats ǃoa ǁgâ hâ;
ti soros ge satsa ra ǁkhore;
ǂnâsa ǃhūb, ǁgamob ǃnâ.
2 Sa ǃanusib ǃnâ ta ge ge kō
tsî ta ge sa ǀgaib tsî sa ǂkhaisiba ge mû.
3 Sa hâhâ ra ǀnammi ge ûib ǃgâ-ai a ǃgâi;
ti amǁgaukha ge satsa nî kare.
4 ǁNā-amaga ta ge ti ûib ǃnâ nî kare tsi
sa ǀons ǃnâ ta ge ti ǃomkha nî ūkhâi.
5 Kaub tsî kausasib ra ǁâ kai khami ta ge nî ǁâ
tsîs ge ti amsa dâxase ra ǁnae amǁgaukha ǀkha nî kare tsi.
6 Sats xa ta ge ti kharob ai ǂâi
tsî tsuxuǃûidi ǃnâ sats xa ra ǂâiǂaisen.
7 Sats ge tita huise ība
tsî sa ǁgabogu di sommi ǃnâ ta ge ra dâǁnae.
8 Sats ai ta ge ra ǂae,
sa amǀkhāb ǁôab ge ra ǂkhâǃnâ te.
9 Tsî ǁnān ti ûiba hîkākā nîse ra ôan,
ǁîn ge ǃhūbaib di ǃgamsib kōse nî ǁgôa.
10 Gôab di ǀgaib ǃnâ māǁnâhe
tsîn ge nî ǀgirin di amǀnē kai.
11 Xaweb ge gao-aoba Elob ǃnâ nî ǃgâiaǂgao;
ǁîb tawa ra nū-i hoa-i ge nî koasen,
ǂhumi-aon di amdi nî ǂganamhe xui-ao.
© Khoekhoegowab Elobmîs © Bible Society in Namibia, 2020.
