Sions, Elob di ǃāse
ǁNaetsanas. Koraxi ôagu di Psalms
1 ǃKhūb ge a kai, tsî koahesa anu;
sada Elob di ǃās ǃnâ, ǁîb di ǃanu ǃhommi ai.
2 Îsab a ǀgapib âb ai, hoaraga ǃhūbaib di ǃgâiaǂgaob;
Sionǃhommi di, ǃnū ǀapas ǃnâ, gao-aob di kai ǃās ge a ǁî.
3 Elob ge ǁîs di ǁkhui-omgu ǃnâ hâ
tsîb ge sâuǃkhaise ge ǂhaiǂhaisen.
4 Mû re gao-aogu ge ǀhû
tsî ǀguipa ge ǃgoaxa i.
5 Mû gu ge, o gu ge ge buru;
ǃao tsî gu ge ge ǃkhoeni.
6 ǁNāpa gu ge ǀkhūb xa ge ǃnamiǂgāhe;
ǃaob xa, ǁora ra tarekhoes khami.
7 Aiǂoas di ǂoab ǀkhats ge Tarsis di ǂgaude ra hîkākā.
8 ǁNâu da ge khami da ge
ge mû Elob ge dī xūna,
sada Elob, ǃKhūb Hoaǀgaixab di ǃās,
ǁîsab ǁaposa ǃkhaise ǀamosib kōse ge mâis ǃnâ.
9 Sa hâhâ ra ǀnammi
xa da ge sa Tempeli ǃnâ ra ǂâi, Elotse.
10 Sa ǀons khamis ge sa koasa hoaraga ǃhūbaib ai ra sī Elotse,
sa amǀkhāb ǁôab ge ǂhanu-aisib xa ǀoa hâ.
11 Sionǃhommi ge ra ǃgâiaǂgao,
Judab ǃādi ge ra dâ
sa ǀgoraǃgâdi ǂama.
12 Sionsa ǃgûǂnami,
ǁîs ǂnamipe ǃgû,
î ǁîs di ǂgō-omga ǃgôa re.
13 ǁÎs di ǁkhui-omgu ai ǂgaob âtsa ǃammâi,
î ǁîs di toro-omga ǃgûǃnâǃganu;
egats nî ǁîsa sao ra suriba ǂhôase.
14 Nē Elob ge ǀamos kōse a sada Eloba,
tsîb ge ǁîba ǀamos kōse sada nî ǂgaeǂgui.
© Khoekhoegowab Elobmîs © Bible Society in Namibia, 2020.
