Huib ǃaroma hâ ǀgores
Davidi ge ôasab, Absalomma xu ǃhū ǁaeb ǃnâ xoahe hâ Psalms
Davidi Psalms
1 ǃKhūtse kaise ta ge ǂgui khākhoena ūhâ;
ǂguin ân ge tita ǃoagu ra khâi!
2 ǂGuin tita xa nēti ra mîna:
“Elob ge ǁîba hui tide.”
3 Xawe sats, ǃKhūts ge hoaǁae ti ǁkhaukhō;
sats ge a ti ǂkhaisi tsîts ge tita ra ǂnī kai.
4 Tita ge ǃKhūba huib ǃaroma ra ǂgaiǀî
tsîb ge ǁîba ǁîb ǃanu ǃhomma xu ra ǃeream te.
5 ǁGoe tsî ta ge ra ǁom
tsîb ge ǃKhūba hoa tsuxuba tita ra ǃûi.
6 Hoa ǀkhāga xu ra xāǂgā te ǀoadisidi di khākhoena
ta ge ǃao tama hâ.
7 Hā re ǃKhūtse, ore te re ti Elotse!
Sats ge ti khākhoen hoana ǃnanib ai ge ǂnau;
tsî eloxoresan di ǁgûgats ge ge khôa.
8 Dans ge ǃKhūba xu hâ
ab ǁîb khoena ǀkhae.
© Khoekhoegowab Elobmîs © Bible Society in Namibia, 2020.
