ǃKhūb di dommi ǃgabigu ǁaegu
Davidi Psalms
1 Kare re ǃKhūba, sadu ǀhomǁîdo
ǁîb di ǂkhaisib tsî ǀgaiba koa re.
2 ǃKhūb di ǂkhaisa ǀonsa koa re;
ǃAnub aiǃâ ǀgoreǀî ǃanusib sarab ǃnâ.
3 ǃKhūb di dommi ge ǁgamgu ai ra ǁnâuhe,
ǂkhaisib di Elob ge ra ǃguru
tsîb ge ǃKhūba ǁgamgu ǂamai a kai.
4 Dommi ǃKhūb dib ge
ǁîb di kaisib tsî ǂkhaisib hoab ǃnâ ra ǁnâuhe.
5 ǃKhūb di dommi ge sederhaide ra khôa,
sederhaidi Libanonni dide.
6 ǁÎb ge Libanonni di ǃhomga tsâu-i khami gu nî ǂgamse ge dī,
tsî Hermonǃhomma ǂkham ǁgōb khamib nî urise.
7 ǃKhūb di dommi ge ra napa kai.
8 ǃKhūb di dommi ge ǃgaroǃhūba ra ǀkhū kai;
Kades di ǃgaroǃhūbab ge ra ǀkhūǀkhū.
9 ǃKhūb di dommi ge aikehaide ra ǀgabi ,
tsî ǂnarega haide xu ra ǀgabiǁnâ,
hoaragan ǁîb Tempeli ǃnâ hân ra “ǂKhaisibab Elob di!” ti ǂgaiǂui hîa.
10 ǃKhūb ge ǁgamgu ǂama ra gaosîsen
tsîb ge ǁîba ǀamose a gao-ao.
11 ǃKhūb ge ǁîb khoena ǀgaiba mā
tsî ǂkhîb ǀkha ra ǀkhae.
© Khoekhoegowab Elobmîs © Bible Society in Namibia, 2020.
