Khoesi ǂkhabasigu
ǁNaeǃnans ǂgaeǂgui-aob ǃoa
Davidi Psalms
(Psalm 53)1 Gâ khoen ge ǁî-aitsama
“Elo-i ge a ǀkhai” ti ra mîbasen.
ǁÎn ge hoatsama a ǂhanuoǃnâ
tsî tsū xūna dī hâ;
khoe-i xare-i, ǂhanuse ra dī-i ge a ǀkhai.
2 ǃKhūb ge ǀhomma xu khoen ǃoa ra kōǁnâ,
ǀgui-i xawe-i ǁîn ǃnâ gā-ai tama,
ǁîba nî ǃoaba-e ǃkhaisab nî kōse.
3 Xawen ge hoana tsūdī hâ
tsî ǀguitikōse a ǂkhaba.
ǀGui-i ân tsîn ge ǂhanu xū-e dī tama hâ
ǀgui-i xawe-e.
4 “Hoaraga khoen hîa a ǂkhaban,
ti khoena pere-en ra ǂû khami
ra hapuna kha ǁnâuǃā tama hâ?”
tib ge ǃKhūba ra dî.
5 Ab toxopa huiba Sionsa xu
Israelsa hāba re.
6 Mâtikōsen Israels khoen,
Jakob dina nî ǃgâiaǂgao,
Elob ga ǁîna ǁkhawa ǀasa kaio!
7 Ab toxopa huiba Sionsa xu
Israelsa hāba re.
ǃKhūb ga ǁîb ǁaes di mâsiba ǀkharaǀkhara
on ge Jakob dina nî dâ,
os ge Israelsa nî ǃgâiaǂgao!
© Khoekhoegowab Elobmîs © Bible Society in Namibia, 2020.
