Huib ǃaroma hâ ǀgores
ǁNaeǃnans ǂgaeǂgui-aob ǃoa.
Davidi Psalms
1 ǃKhūtse, mâtikō gaxusets kha nî ǀuru te?
ǀAmosib kōsets kha sa aisa tita xu nî gaugau?
2 Mâtikōse ta kha ti ǂâidi ǀkha nî ǂnoagu
tsî ǂgaob ǃnâ tsûba tsâ?
Mâtikōsen ti khākhoena tita nî dan?
3 Kōǀî î ǁnâu-am te re ti ǃKhū tsî Elotse!
Ûi-ûi te re î ta tā ǁōb ǃnâ ǁom.
4 Tān ti khākhoena “ǁÎba da ge go dan” ti mî
tsî ti ǁnās ǂama ǃgâiaǂgao.
5 Sa hâhâ ra ǀnammi ai ta ge ra ǂgomǃgâ
tsî ta ge sats nî hui te xui-ao nî ǃgâiaǂgao.
6 Satsa ta ge nî ǁnaeba ti ǃKhūtse
titats ge ǃgâidī amaga.
© Khoekhoegowab Elobmîs © Bible Society in Namibia, 2020.
