Israeli khākhoen ǃoagu hâ ǀgores
ǃGûǃapas di tsanas
1 Ti ǂkhamsisa xun ge gere ǁnāǂam te
ab Israela ǁnāti mî re:
2 Ti ǂkhamsisa xun ge gere ǁnāǂam te
xawen ge dan te tama ge i.
3 ǃHūǃgao-aon ge ti ǁâb ai gere ǃhūǃgao;
ǁîn ǃgaodaogan ge gaxuse ge ǃgao.
4 Xaweb ge ǃKhūba a ǂhanu-ai;
ǁîb ge eloxoresan di tsuriga ge ǃkhaiǃgao.
5 An hoan hîa Sionsa ǁkhan hâna
taotaohe tsî dabasen.
6 An omdi ǂamǃnâ hâ ǀgân,
ǃhomǂuihe taman hâ hîa ra ǂnân khami ī.
7 ǃGao ra-i di ǃomǃnās tawas tsîna sī tama
tamas ka io ǃgaeǀkhā rab di sarab ǁôab tawa.
8 An ǃkharu rana tā mî:
“ǃKhūb di ǀkhaeba sadu ǃaroma;
ǃKhūb ǀons ǃnâ da ge ra ǀkhae du.”
© Khoekhoegowab Elobmîs © Bible Society in Namibia, 2020.
