Huib ǃaroma hâ ǀgores
ǁNaeǃnans ǂgaeǂgui-aob ǃoa: Seminits ǃoa hâ ǁnaetsanas.
Davidi Psalms
1 Hui da re ǃKhūtse!
ǃAruǀî-i ǂhanu-ai khoe-e ǀkhai;
tsî i ǂhauǃnâ khoe-i xare-e hōsa tama xuige.
2 Hoan ge ǁîǃnābe ǂhumibagu
tsî ǂhumi koadi ǀkha ra gāxaǃnâgu.
3 ǃKhūtse ǁnā amǁgaugu ǂhumib diga ǃgaoǁnâ,
î ǁnā koasenxa namdi
4 “Sida ge mîdi ǀkha ǂhâba da ra xū-i hoa-e ra hō
tsî da ge ǂgao da ra xū-i hoa-e nî mî
tsî i ge khoe-i xare-e ǂkhā da tide” ti ra mîde ǃnōǃnō.
5 Ob ge ǃKhūba ra mî: “Nēsi ta ge nî khâimâ
ǀgâsan, ǁgâiǀāhe ran
tsî ǃgôaǃgonhe tsî tsûb xa ra ǃgaen ǃaroma.”
6 ǃKhūb di mîdi ge
ǀhaiǀurib, hû ǃnāde ǀaes ǃnâ
tsunitsunihe hâb khami a ǃanu.
7-8 ǃKhūtse ǃnorasase ūhâ,
î sâu da re ǂkhaba khoen,
mâ ǃkhai-i hoa-i ai hâ
tsî hoan hîa ǂkhaba xūna ra koana xu.
© Khoekhoegowab Elobmîs © Bible Society in Namibia, 2020.
