ǃKhūb ǃgâisiba koas
1 Koa re ǃKhūba!
ǃKhūb di ǃgādo, ǁîb ǀonsa koa re;
Koa re ǃKhūb di ǀonsa.
2 As ǃKhūb di ǀonsa koahe re
nēsisa xu ǀamos kōse.
3 Sores ǁhaisa xu sores ǂgâs kōse
as ǃKhūb di ǀonsa koahe re.
4 ǃKhūb ge hoa ǁaedi ǂamai ǀgapise hâ
tsî ǂkhaisib âba ǀhomgu ǂamai.
5 Tari-e ǃKhūb sada Elob,
ǀgapise ǂnôab khami ī?
6 ǃGamǃgâ raba
ǀhommi ǃnâ tsî ǃhūbaib ai nî kōse?
7 ǀGâsana tsaraba xu
tsî ǂhâb ǃnâ hâna tsaosa xu ra ūkhâiba.
8 Gaoǀgôan ǁaegu nî ǁîna ǂnû kaise
nē ǁaes di ǀgapin ǀkha.
9 ǁOra tama khoesa ǁgâusa mā
tsî dâxa ǁgûs ǀgôan dis ase ra dība.
Koa re ǃKhūba!
© Khoekhoegowab Elobmîs © Bible Society in Namibia, 2020.
