ǃGâi khoe-i di ǃgâiaǂgaob
1 Koa re ǃKhūba!
ǀKhaeheb ge hâ ǁnāb ǃKhūba ra ǃaoǃgâb,
ǁîb mîmādi ǃnâ ra ǃgâiaǂgaoba.
2 ǁÎb surib ge nî ǀgaisa ǃhūb ǃnâ;
ǂhauǃnân di surib, ǀkhaehe hâba.
3 ǃKhūsib ge ǃnāǂamsase ǁîb oms ǃnâ hâ
tsîb ge ǂhauǃnâsib âba ǀamose ra hâ.
4 ǁÎb ge ǃkhaenab ǃnâ ǂhanu-aina ǃnâse ība,
ǁîb ge ǀkhomxa, ǀkhomxaǃnâ tsî a ǂhanu-ai.
5 ǃGâiǃgâxab ge ǁnā khoeb ǃgâiǂgaoxa a tsî ra ǀkhupib,
ǁîb di ǁhōga ǂhauǃnâse ra sîsenna.
6 ǁÎb ge tātsēs tsîna ǁnobe tide;
ǁîb ge ǀamose ǂâis ǃnâ nî ūhâhe.
7 ǁÎb ge ǂkhaba ǂhôana ǁnâusa ǃao tama hâ;
ǂgaob âb ge a ǁaposa, ǁîb ge ǃKhūb ai ra ǂgomaiǂnûi.
8 ǂGaob âb ge a ǁaposa tsîb ge ǃao tama hâ;
tsîb ge ǁîb mâǃoasaben ai ra kōǁnâ.
9 ǁÎb ge ǂhâb ǃnâ hâna ra ǀgoraba;
ǁîb ǂhanu-aisib ge ǀamose ra hâ.
10 Eloxoresab ge nēsa mû tsî ra ǁaixa
ǁaninǁgûb ra xaweb ge ǀgaib âba ra kā.
Eloxoresan di turab ge ra kā.
© Khoekhoegowab Elobmîs © Bible Society in Namibia, 2020.
