Gao-aob mîmâis
Davidi Psalms
1 Sa ǂhanu-aisib tsî hâhâ ra ǀnammi xa ta ge nî ǁnae;
sats ǃKhūtsa ta ge nî koaǁnaeba.
2 Tita ge ǂnao-o daob ai ti ǂâisa nî ǃammâi.
Mâǁaets tita tawa nî hā?
Ti oms ǃnâ ta ge ti ǂgaob di ǂhauǃnâsib ǀkha nî sîsen.
3 Ti mûǁae ta ge tsū xūna mâi tide.
ǁNān hîa ra ǁnāǁgôan di sîsenga ta ge ǁkhan hâ;
ǁîgu ge ǂae-ai te tide.
4 ǂKhaba ǂgao-i ge tita xu ǃnūse nî hâ
ǂkhababa ta ge ǂan tide.
5 ǁNāb hîa ǀgūkhoe-i âba ǂganǃgâsib ǃnâ ra ǃkhāǃkhāba ta ge nî hîkākā.
ǀGapiǂâixa mûra tsî ǁîǃgôasenxa ǂgaoba ūhâ-e ta ge taniǀnam tide.
6 Ti mûra ge ǂgomǂgomsa khoen ǃhūb din ai nî hâ
tita tawan nî ǁanse;
ǁNān, ǂnao-on ge tita nî ǃoaba.
7 Ti ommi ǃnâ i ge gāxaǃnâ ra khoe-e hâ tide.
ǂHumi ra-i ge ti mûǁae mâhō ǁkhā tide.
8 ǁGoakorobe ta ge hoaraga ǂkhaba khoen ǃhūb dina nî hîkākā;
ǁnāti ta ge ǂhanuoǃnân hoana ǃKhūb ǃāsa xu nî dībē.
© Khoekhoegowab Elobmîs © Bible Society in Namibia, 2020.
