Pristergu tsî Leviǁîgu di xoakhâib
1 Nēb ge xoakhâib ǃkhōsisa xu ge Sealtieli ôab Serubabeli tsî ǀgapipristeri Josuab hâkha ǀkha oaǀkhī pristergu tsî Leviǁîgu diba:
2-7 Pristergu:
Serajab, Jeremiab, Esrab,
Amariab, Maluki, Hatusi,
Sekanjab, Rehummi, Meremoti,
Idob, Ginetoib, Abiab,
Mijaminni, Maadjab, Bilgab,
Semajab, Jojarib, Jedajab,
Salub, Amoki, Hilkiab tsî Jedajab tsîga.
Nēgu ge Jesuab di tsēdi ǃnâ ge ǁîgu di horesa pristergu di dana i.
8 Leviǁîgu:
Sao ra gu ge koatsanadi di ǁguiǂamsa ge ūhâ i: Jesuab, Binuib, Kadmieli, Serebjab, Judab tsî Matanjab tsîga.
9 Sao ragu ge ǃkhō-am ra ǁnaeb ǃereamsa ge ūhâ i: Bakbukjab, Unob tsî ǁîkha di horesa Leviǁîgu tsîga.
ǀGapipristeri Jesuab di ôananôagub
10 Jesuab ge ge Jojakimmi di î i, Jojakimmi ge ge Eljasib di î i, Eljasib ge ge Jojadab di î i, 11 Jojadab ge ge Jonatanni di î i tsî Jonatanni ge ge Jaduab di î i.
Pristersi ǃhaoǃnādi danagu
12-21 Jojakimmi di pristersis ǁaeb ǃnâ gu ge sao ra pristerga ge pristersi ǃhaoǃnādi di dana i:
Pristeri ǃHaoǃnāsMerajabSerajabHananjabJeremiabMesulammi EsrabJohananniAmariabJonatanniMalukiJosefiSebanjabAdnabHarimmiHelkaibMerajotiSaxariabIdobMesulammiGinetonniSixribAbiab… MinjaminniPiltaibMoadjabSamuabBilgabJonatanniSemajabMatenaibJojaribUsibJedajabKalaibSalaibEberiAmokiHasabjabHilkiabNetaneliJedajabPristergu tsî Leviǁîgu surib di xoakhâib
22 Leviǁîgu tsî pristergu di surib danagu ge ǀgapipristergu Eljasib, Jojadab, Johananni tsî Jaduab tsîgu di tsēdi ǃnâ ge xoakhâihe. Nē xoakhâis ge Persiab gao-aob Dariusi ǂgaeǂguis ǁaeb ǃnâ ge ǀamǀamhe.
23 Leviǁîgu surib di danagu ge Eljasib ǁnurib Johananni ǁaeb ǃnâ ǀgui ǃnaeǃkhaidi ǂkhanis ǃnâ ge xoamâihe.
Tempeli ǃoabadi ǀgoraǂgāb
24 Hasabjab, Serebjab, Jesuab, Binuib tsî Kadmieli tsîgu mîmās ǃnaka gu ge Leviǁîga ǃnandi ǃnâ ge ǀgoraǂgāhe. ǀGam ǃnanra ge ǀgui ǃnās ai Eloba koa tsî gere gangan, Elob aob gao-aob Davidi di ge mîmā hâ i khami.
25 Matanjab, Bakbukjab, Obadjab, Mesulammi, Talmonni tsî Akub tsîgu ge ge dao-amdi tawa hâ sâuǃnâ-omdi dao-amde gere ǃûi.
26 Nēgu ge Jojakimmi, Jesuab ôa tsî Josadaki ǁnurib ǁaeb ǃnâ tsî gowoniab Nehemiab tsî prister Esrab, ǂhanub ǂansabe ge ib tsîgu di ǁaeb ǃnâ ge ûi hâ i aoga.
Jerusalems ǂnubiǂgoab di khaihes
27 Jerusalems ǂnubiǂgoab di khaihes ǃaroma gu ge Leviǁîga, hâ gu a ǃkhai-i hoa-e xu Jerusalems tawa ge ǀhaoǀhaohe, î gu ǂnubiǂgoab di khaihesa, gangantsanadi, simbaldi, harpdi tsî ǀkhōxūn tsîn ǀkha dâxase tsēdī. 28 Leviǁîgu surib di ǁnae-aogu ge Jerusalems ǂnamipe ǁgoe ǀkhariba xu ge ǀhao, tsî Netofas ǂnamipeb ǃārode xu, 29 tsî Bet-Gilgals, Gebas tsî Asmavets tsîde xu. 30 Pristergu tsî Leviǁîgu tsîgu ge ǁî-aitsama ge ǃanuǃanusen tsî ǁkhāti khoen tsî dao-amdi tsî ǂnubiǂgoab tsîna ge ǃanuǃanu.
31 Tsî ta ge Judab di ǂgaeǂgui-aoga ǂnubiǂgoab ai ǂoa kai tsî ǀgam kai ǃnanra ǁîgu mûǂams ǃnaka ge mā, ǂnubiǂgoab ai ra ǃgûsen Eloba nî ganganse.
ǂGuro ǃnans ge amǀkhābǀî ǂnubiǂgoab ai ǀapob ǀgūse ǂnôa dao-ams ǁga ge ǃgû. 32 Hosajab ge ǁîn ǃgâb ai gere ǃgû, ǃkhare ǃâb Judab ǂgaeǂgui-aogu dib xa saohe hâse. 33-35 Sao ra pristergu ge xâiǁnâde ra xâise ǁîna gere sao: Asariab, Esrab, Mesulammi, Judab, Benjaminni, Semajab tsî Jeremiab tsîga. Sao raseb ge Saxariab, Jonatanni ôa tsî Semajab ǁnuriba gere sao. (Nau aboxagu ǁîb digu ge Matanjab, Mikajab tsî Sakuri, Asafi ǃhaoǃnās dib tsîna ge ǃkhōǂgā hâ i.) 36 Nau aogu, ǁîb ǃhaoǃnās digu Semajab, Asareli, Milalaib, Gilalaib, Maaib, Netaneli, Judab tsî Hanani hâgu ge Elob aob, gao-aob Davidi di ǀkhōxūn ǀkha ǁîba gere sao. Xoaǂanseb Esrab ge ǁîga ge aimâba hâ i. 37 ǀAus Dao-ams tawa gu ge ǃapa-ūdadi, Davidi ǃĀs ǃoa ra ǂoadi ǀkha Davidi gao-omma ǃkharu tsî ǁGams Dao-ams, aiǂoasǀkhāb ai ǂnôas tawa hâ ǂnubiǂgoab ǁga ge oa.
38 Nau ǃnans di khoen, gangan geren ge ǁareǀkhāb ǃoa ǂnubiǂgoab ai ge ǃgû tsî ta ge tita nau ǃkhare ǃâb khoen ǀkha ǁîna ge sao. Tsî da ge ǁGanoms ǂGō-omma-u ge ǃkharu tsî ǂHabaǂnubiǂgoab kōse, 39 tsî da ge ǁnāpa xu Efraim Dao-ams, ǀOro Dao-ams, ǁAun Dao-ams, Hananeli ǂGō-ommi tsî Kaidisigu ǂGō-ommi tsîga ǃkharu tsî Gūn Dao-ams kōse ge sī. Tsî da ge Tempeli dao-ams ǀgūse sī ge mâ.
40 ǁNāti ra ge Eloba gere gangan ǃnanra hoara Tempeli kōse ge sī. Tita ǀkha ge hâ i ǂgaeǂgui-aogu xōǀkhā gu ge 41 sao ra pristergu, xâiǁnâde ra xâigu tsîna ge hâ i: Eliakimmi, Maasejab, Minjaminni, Mikajab, Eljoenaib, Saxariab tsî Hananjab tsîga. 42 ǁÎgu ge Maasejab, Semajab, Eleasari, Usib, Johananni, Malkiab, Elammi tsî Eseri tsîgu xa gere saohe. Jesrahijab xa gere ǂgaeǂguihe ǁnae-aogu ge ǃgarise gere ǁnae.
43 ǁNātsēn ge khoena ǂgui ǁguibade ge ǁguiba tsîn ge kaise gere dâ, Elob ge ǁîna ǃgâiaǂgao kai xui-ao. Taradi tsî ǀgôan tsîn on ge dâxasib ǃnâ ge ǁhao tsîb ge ǁîn di ǂkhupiba ǃnūseb kōse gere ǁnâuhe.
Tempelǃoabadi ǃaroma ra māhe mādi
44 ǁNā ǁaeb ai gu ge Tempeli mādi, disiǁîǃâdi tsî ǂguro ǃhoro-i tsî ǂguro haiǂûn, kurikorobe ra ǁguibahen tsîn di sâuǃnâ-omdi ǂama aoga ge mâihe. Nē aogu ge ǂhanub ra ǂgaoǀkhā mādi, pristergu tsî Leviǁîgu nî māhese ide, ǃādi ǂnamipe ǁgoe ǃgaroǃādi tawa nî ǀhaoǀhao. Hoaraga khoen Judab din ge pristergu tsî Leviǁîgu tsîgu ǀkha ge ǂkhîǂâixa i, 45 ǁîgu ge ǃanuǃanusens ǁnaetigu tsî nau ǂnûiǂgādi, Elob ge mîmādi tsîna gere dī xui-ao. Tempelǁnae-aogu tsî Tempelǃûi-aogu tsîn ge ǁîgu ǁguiǂamde, gao-aob Davidi tsî ǁîb ôab Salomob tsîkha ge mîmā hâ i khami gere dī. 46 ǀOrose, gao-aob Davidi tsî ǁnae-aob Asafi tsîkha di ǁaeba xu gu ge ǁnae-aoga, koatsanadi tsî gangantsanadi tsîna Eloba gere ǁnaeba. 47 Serubabeli tsēdi ǃnâ tsî ǁkhāti Nehemiab di tsēdi ǃnâs tsînan ge hoaraga Israelǁîna, mâ tsēs hoasa ǁnae-aogu tsî ǃûi-aogu tsîn ǃaroma māde gere mā. Khoen ge ǁkhāti Leviǁîgu ǃaroma ǃanu māde gere mā tsî gu ge Leviǁîga pristerga ǁîgu ǃâsa gere ǂnûiǂuiba.
© Khoekhoegowab Elobmîs © Bible Society in Namibia, 2020.
