Jonab di ǀgores
1 ǁAub ǃnāba xub ge Jonaba ǃKhūb, ǁîb di Elob ǃoa ge ǀgore:
2 “ǂŌǂōsib ǃnâ ta ge ǃKhūtse sa ǃoa ge ǂgai,
tsîts ge ge ǁnâu-am te.
ǁŌhân Hâǃkhaiba xu ta ge huiba ge ǂgan,
tsîts ge ti ǂgaisa ge ǁnâu.
3 Sats ge ǃgamsib ǃnâ ge aoǂgā te,
hurib di ǃgamsib ǃnâ,
ǁgamgu ge ge ǃnamiǂgā te,
sa ǀgaisa ǃgabigu ge ge dâuǂam te.
4 ǂÂi ta ge ge, sa aisa xuts ge aoxū te
tsî ta ǁkhawa sa ǃanu Tempela mû tide ti.
5 ǁGammi ge ǀom ǁoa ta as kōse ge dâuǂam te;
kai ǁgammi ge ge ǃnamiǂgā te,
ǁgamǀgûigu ge ti danas ai ge namisen hâ i.
6 ǃHomgu di ǃgaoǃgaogu kōse ta ge ge ǁgôa,
ǀamos kōse ra ǂganamhe dao-amdi di ǃhūb kōse.
Xawe sats ǃKhū, ti Elots ge
ǃgamsiba xu ûi ta nîse ge sâuǂui te.
7 ǁŌ ǁga ta ra khami ta ge tsâ,
o ta ge ǃKhūtse sats ǃoa ge ǂgai
tsîts ge ǁîsa sa ǃanu Tempeli ǃnâ ge ǁnâu.
8 ǁNān ǁau ǁgôa-eloga ra ǀgoreǀîn ge
sats ǃnân ge ūhâ i ǂgomǂgomsasiba ge ǁnāxū.
9 Xawe tita ge satsa nî koaǁnaeba.
Tita ge ǁguibasa hā-ūba tsi
tsî satsa ta ge mîmâibana nî dī.
ǃGâiǃōsib ge ǃKhūba xu ǀgui ra hā.”
10 Ob ge ǃKhūba ǁauba ge mîmā tsîb ge ǁîba Jonaba ǂnâsa ǃhūb ai ge ǀkhûiǂui.
© Khoekhoegowab Elobmîs © Bible Society in Namibia, 2020.
