Baruxi ge Elob xa sâuheb nîsa ra mîmâibahe
1 Kēbo-aob Jeremiab ge Neriab ôab Baruxa mîba mîdi, xamiǂkhanis ǃnâb Jeremiab ra mîba bi mîde ra xoamâi hîa, hakaǁî kurib Josiab ôab Jojakimmi ge Judab ǃnâ gao-ao ib ǃnâ. 2 Nētib ge ǃKhūb Israeli di Eloba sats Baruxts ǃoa ra mî: 3 “Sats ge ra mî: ‘Tsūbahe ta go, ǃKhūb ge ǃoaba ti tsûb tawa go ǀaro. Ti ǀhâimâinǀoms xa ta ge ǂkhabu hâ, tsî ta ge sâ-e hō tama hâ.’
4 “A ta nēti mîba tsi tib ge ǃKhūba ra mî: ‘Tita ge ǂnubi ta ge-e ra khôaǁnâ tsî ǃhana ta ge-e ra ǃhomǂui; ǁnāb ge nē ǃhūb hoaragaba.’ 5 Satsa kha ǁnâi kai xūna ra ôabasen? Tā ǁnāsa dī. Tita ge tsūǀkhāba hoa khoen ai nî hā-ū, tib ge ǃKhūba ra mî, xawe tita ge sa ûiba nî sâu, ǃgûts ra ǃkhai-i hoa-i ai.”
© Khoekhoegowab Elobmîs © Bible Society in Namibia, 2020.
