Koatsanas
1 ǁNā tsēs ain ge nî mî:
“ǃKhūtse, tita ge ra koa tsi,
tita ǀkhats go ǁaixa hâ i,
xawets ge go ǁkhaeǂgao te tsîts ge ǃaruǀî ǁaixa-ū te tama hâ.
2 Amase, Elob ge a ti Ore-ao;
tita ge ǁîba nî ǂgomǃgâ tsî ǃao tide.
ǃKhūb Elob ge a ti ǀgai tsî ǃgareǀui;
ǁîb ge a ti Ore-ao.
3 ǃGâiaǂgaob ǀkha du ge ǁgam-e
ûitsama ǀaus ores disa xu nî xuri.”
4 O du ge ǁnā tsēs ai nî mî:
“ǃKhūba koasa mā! ǁÎb ǀonsa ǂgaiǀî!
ǁAedi ǃnâ ǁîb dīga ǂanǂan!
ǁÎb ǀons di kaisiba ǁîde ǂan kai!
5 ǃKhūba koaǁnaeba re,
kai xūnab go dī xuige.
Ab hoaraga ǃhūbaiba nēsa ǂan re.
6 Sions ǁanǂgāsabedo, ǃgarise ǃau,
î ǃgâiaǂgaob ǀkha ǁnae!
Israeli di ǃAnub sadu ǁaegu
ǀgaisa dīga ra dī xuige.”
© Khoekhoegowab Elobmîs © Bible Society in Namibia, 2020.
