1 Efraimmi ge ǂoaba ǂû tsî aiǂoas ǂoaba hoa tsēsa ra sauru; ǁîb ge ǂhumib tsî ǂkhababa ra ǂguiǂgui. Asiriab ǀkhan ge ǃgaeǀhaosa dī tsî oli-e Egipteb ǁga ra tani.
2 ǃKhūb ge Judab ǃoagu ǁhō-e ūhâ tsî Jakoba nî ǁkhara dīgu âb ǃoa, tsî sîsengu âb ǃoa nî mādawa-am bi. 3 ǁHās ǃnâb ge ǁîba ǃgâsab di ǃnôara ge ǃkhō, tsî aorekhoese Elob ǀkha ge ǃkham. 4 ǁÎb ge ǀhomǃgāb ǃoagu ǃkham tsî ge dan. ǁÎb ge ā tsî ǁîb ǃgâiba ǁîb tawa gere ôabasen. Betels tawab ge hō bi tsî ǁnāpa sida ǀkha gere ǃhoa. 5 ǃKhūb Elob ge a Hoaǀgaixa; ǃKhūb tib ge ǀon hâ. 6 Xuige du sadu Elob ǃoa oa tsî ǀnammi tsî ǂhanu-aisiba ǃkhōǀgaipe tsî ǀûs ose sadu Eloba ǃâu.
ǃAruǀî hâ mîdi ǀgoraǃgâs didi
7 Kananni ǃomgu ǃnâb ge ǂhumiba hâ; ǁîb ge gāxaǃnâsa a ǀnam. 8 Tsîb ge Efraimma ra mî: “Amase ta ge ge ǃkhū, ǃkhūsiba ta gere hōbasen, o ta ge tsūdī tamas ka io ǁore tama ge hâ i.” 9 Xawe tita, ǃKhūta, Elota sado Egipteba xu ge ǂgaeǂguiǂui ta ge ǁkhawa tentdi ǃnâ nî ǁan kai du, mîmâisa ǁâudīb di tsēdi ǃnâs khami.
10 “Tita ge kēbo-aogu ǀkha ǃhoa tsî ǁîga aide ge ǂguiǂguiba, tsî ta ge ǂkhōde ǁîgu ǃnâ-u ge mā. 11 Gileads ge a ǂkhabasi, amasen ge a ǁausi. Gilgals tawan ge ǁgōga ge ǁguiba, tsî di ge altardi âna ǀuiǁkhopodi ase nî ī, ǃhanagu ǃhūǃgaogu ǃnâ.”
12 Jakob ge Arammi ǀkharib ǁga ge ǃhū, tsîb ge Israela tara-i ama ǁnāpa gere sîsen, taras ǃaromab ge ǀgoana gere ǃûi. 13 Tsî kēbo-aoba xub ge ǃKhūba Israela ge ǂgaeǂguiǃapa, Egipteba xu, tsî kēbo-aoba xub ge ge sâuhe. 14 Efraimmi ge ǁîba kaise ge ǁaiǁai, tsîb ge ǀaob âba ǁîb ai nî hā kai tsîb ge ǀhonkhoeb âba ǁîb di ǃharaxūba nî mādawa-am.
© Khoekhoegowab Elobmîs © Bible Society in Namibia, 2020.
