ǃKhōsisa xu ge oaǀkhī khoen
1 Hoaraga Israelǁîn ge ǃhaos ǃgôakhâis ǃnâ ge ǃgôakhâihe, tsîdi ge ǁîn di ǀonde Israeli Gao-aogu ǂKhanis ǃnâ ge xoamâihe.
Judab khoen ge ǁîn ǁoren di ǁkharab ase, Babilons ǃoa ge ǃgû-ūhe. 2 ǂGuro ǁanǂgāsaben hîa ge ǁîn di hâǃkhaidi ǁga oaǀkhīn ge Israelǁî khoen, pristergu, Leviǁîgu tsî tempelǃoabasabegu tsîna. 3 Judab, Benjaminni, Efraimmi tsî Manaseb tsîgu ǃhaodi di khoen ge Jerusalems ǃnâ sī ge ǁan.
4-6 ǃNanikaidisi tsî khoesedisi omaridi, Judab ǃhaos didi ge Jerusalems ǃnâ ge ǁan hâ i.
Judab ôab Peresi di ôananôagub ge Utaib, Amihudi ôa tsî Omrib ǁnuriba, ǂgaeǂgui-aose ge ūhâ i. Nau aboxakha, ǁîb dikha ge Imrib tsî Banib tsîkha.
Judab ôab Selab di ôananôagub ge Asajaba, ǁîn di ǂgaeǂgui-aose ge ūhâ i, ǁîb ge ǁkhāti ge ǁîb ǀaokhoen di dana i.
Judab ôab Serab di ôananôagub ge Jeuela, ǁîn di ǂgaeǂgui-aose ge ūhâ i.
7-8 Sao ra khoegu Benjaminni ǃhaos digu ge Jerusalems ǃnâ ge ǁan hâ i:
Salub ge ge Mesulammi ôa i, Mesulammi ge ge Hodaviab ôa i,
Hodaviab ge ge Hasenuab ôa i.
Ibnejab ge ge Jerohammi ôa i.
Elab ge ge Usib ôa tsî Mikrib ǁnuri i.
Mesulammi ge ge Sefatjab ôa i tsî Sefatjab ge ge Reueli ôa i tsî Reueli ge ge Ibnijab ôa i.
9 Khoesekaidisi tsî korodisiǃnaniǀa omaridi ǁnā ǃhaos didi ge ǁnāpa ge ǁan hâ i. Nē goro ǂgaikhâihe khoegu hoagu ge ge ǁîgu ǀaokhoen di dana i.
Jerusalems ǃnâ ge ǁan hâ i pristergu
10-12 Sao ra pristergu ge Jerusalems ǃnâ ge ǁan hâ i:
Jedajab, Jehojarib tsî Jakinni,
Hilkiab ôab Asariab (Tempeli di ǂamsa ge ib), ǁîb di aboxagu ge Mesulammi, Sadoki, Merajoti tsî Ahitub,
Jerohammi ôab Adajab, ǁîb aboxagu ǃkhōǂgā hâgu ge Pasuri tsî Malkiab,
Adieli ôab Masaib, ǁîb di aboxagu ǃnâ gu Jaxserab, Mesulammi, Mesilemiti tsî Imeri tsîga.
13 ǁÎgu ǀaokhoen di danase ge hâ i pristergu ge ge ǀguiǀoadisihûkaidisi tsî ǃnanidisi i. ǁÎgu ge Tempelǃoabas ǃnâ ǀoasa ǂansa ge ūhâ i.
Jerusalems ǃnâ ge ǁan hâ i Leviǁîgu
14-16 Sao ra Leviǁîgu ge Jerusalems ǃnâ ge ǁan hâ i:
Hasub ôab Semajab, ǁîb di aboxagu sao ra khoega ǃkhōǂgā hâba:
Asrikammi tsî Hasabajab tsîkha Merari ǃhaoǃnās dikha,
Bakbakari, Heresi tsî Galali,
Mikab ôab Matanjab, ǁîb aboxagu ǃnâ gu sao ra khoega hâb, Sixrib tsî Asafi,
Semajab ôab Obadjab, ǁîb aboxagu ǃnâ gu sao ra khoega hâb, Galali tsî Jedutunni,
Berekiab, Asab ôa tsî Elkanab ǁnurib, ǃās Netofas ǀkharib ǃnâ ge ǁan hâ ib tsîga.
Jerusalems ǃnâ ge ǁan hâ i tempelǃûi-aogu
17 Sao ra ǃûi-aogu ge Tempeli dao-amdi tawa gere ǃûi: Salummi, Akub, Talmonni tsî Ahimanni tsîga. Salummi ge ge ǁîgu di ǂgaeǂgui-ao i. 18 ǁNā ǁaeba xu gu ge ǁîgu surib di khoega, aiǂoasǀkhāb di dao-ams, gao-aob dao-ams tawa ǃûi-aose ge mâisa i. Aiǃâ gu ge ǁîga, Leviǁîgu di hâǃkhaib dao-amdi tawa ge ǃûi-ao i.
19 Salummi, Koreb ôa tsî Ebiasafi ǁnurib ge ǁîb ǀaokhoegu Koraxǁîn digu ǀkha ǀhûpe, ǃKhūb di Tentommi di dao-ams tawa ǃûis di ǁgui-aisa ge ūhâ i, ǁîgu di aboxagu ge ǃKhūb ǁaes di hâǃkhaib tawa ǃûis di ǁgui-aisa ūhâ is ǁkhās khami. 20 ǂGurob ge Eleasari ôab Pinehasa ge ǁîgu di mûǂamao i, tsî ǃKhūb ge ǁîb ǀkha ge hâ i.
21 Meselemiab ôab Saxariab tsîn ge ǃKhūb di Tentommi di dao-ams tawa ge ǃûi-ao i.
22 ǀHaob ai gu ge ǀgamkaidisi tsî disiǀgamǀa khoega, dao-amde gu nî ǃûise ge ǁhûiǂuihe hâ i. ǁÎgu ge ǁan gu ge hâ i ǀkhariga ǃoa ge xoakhâihe hâ i. ǁÎgu di aboxagu ge gao-aob Davidi tsî kēbo-aob Samueli tsîkha xa nē ǃoabas ǃnâ ge mâihe. 23 ǁÎgu tsî ǁîgu di ôananôagub tsîn ge ǃaruǀî ǃKhūb ommi di dao-amde gere ǃûi. 24 Hoa haka ǂoadi, ǀapas, ǃkhawagas, aiǂoas tsî huriǂoas tsîdi ǀkhāgu ai di ge dao-amde ge hâ i, tsî mâ dao-ams hoas tawab ge ǃûi-aoba ge hâ i. 25 Nē ǃûi-aogu ge ǁîgu surib di khoegu, ǃādi ǃnâ ge ǁan hâ igu xa, ǃkharaga ǁaegu ai hû tsēdi ǁaeba gere mâxōǀkhāhe. 26 Haka danaǃûi-aogu ge ge Leviǁî i tsî gu ge ǁîga ǂgaeǂguisa ge ūhâ i. ǁÎgu ge ǁkhāti Tempeli di ǃnā-omdi tsî ǁnāpa hâ xūn di ǃereamsa ge tani hâ i. 27 ǁÎgu ge Tempeli ǀgūse ge ǁan hâ i, ǁîba ǃûi tsî dao-amde mâ ǁgoas hoasa ǁkhowa-ams di ǁgui-aisa gu ge tani hâ i xui-ao.
Nau Leviǁîgu
28 Nau Leviǁîgu ge ǃoabas ǃnâ ra sîsenūhe xūn di ǃereamsa ge tani hâ i. ǁÎgu ge ǁîna ūǂuihen ka ǁaeb tsî ǁkhawan ga ǂgâxa-ūhe ǁaeb hoaba gere ǃgôa. 29 ǀNîgu ge ǃanu xūn, mel-i, ǂauxûi-i, ǀkhera-oli-i, ǃgâihamxūn tsî ǂûǁkhoaǁkhoa-ūxūn tsîn di ǁguiǂamsa ge ūhâ i. 30 Xawe ǂûǁkhoaǁkhoa-ūxūna habasa gu ge pristergu ǀguiga gere dī.
31 Matitia ti ǀon hâ Leviǁîb, Salummi, Koraxǁîn ǃhaos dib di ǂguro ǀgôab ge ǁganhe ra ǁguibaperena aiǂhomis di ǃereamsa ge ūhâ i. 32 ǀNîgu, Kohatǁîn digu ge ǁguibaperega mâ Sabbattsēs hoas ǃaroma aiǂhomis di ǁguiǂamsa ge ūhâ i.
33 ǀNî Leviǁîgu ge Tempelǁnaeb di ǃereamsa ge tani hâ i. ǁÎgu ge Tempeli ǃnā-omdi ǃnâ gere hâ tsî nau ǃoabade xu ge ǃnorasa i, ǁîgu di ǁguiǂamsa gu mâǁaeb hoaba, tsēas kas, tsuxubas kas hoasa nî dī ǁkhāse.
34 Nē goro ǂgaikhâihe khoegu hoagu ge ge Leviǁî ǀaokhoen di dana i, ǁîgu di aboxagu ǃoa. ǁNā ǂgaeǂgui-aogu ge Jerusalems ǃnâ ge ǁan hâ i.
Gao-aob Sauli di aboxagu tsî ôananôagub
(1 Kroniks 8:29-38)35 Jeieli ge Gibeonsa ǂnubi tsî ǁnāpa ge ǁan. ǁÎb di taras ge Maaka ti ge ǀon hâ i. 36 ǁÎb di ǂguro ǀgôab ge Abdon ti ge ǀon hâ i, tsî ǃgâsagu âb ge Suri, Kisi, Baali, Neri, Nadab, 37 Gedori, Ahiob, Saxariab tsî Mikloti, 38 Simeab îb tsîga. ǁÎn di ôananôagub ge Jerusalems ǃnâ, nau khoen ǁîn ǃhaos din ǀgūse ge ǁan hâ i.
39 Neri ge ge Kisi î i, tsî Kisi ge ge Sauli î i. Sauli ge haka ǀgôagu, Jonatanni, Malkisuab, Abinadab tsî Esbali tsîga ge ūhâ i. 40 Jonatanni ge ge Meribbali î i, tsî Meribbaali ge ge Mikab î i. 41 Mikab ge haka ǀgôagu, Pitonni, Meleki, Tareab tsî Axasi tsîga ge ūhâ i. 42 Axasi ge ge Jarab î i, tsî Jarab ge ǃnona ǀgôagu, Alemeti, Asmaveti tsî Simrib tsîga ge ūhâ i. Simrib ge ge Mosab î i, 43 Mosab ge ge Bineab î i, Bineab ge ge Refajab î i, Refajab ge ge Eleasab î i, tsî Eleasab ge ge Aseli î i.
44 Aseli ge ǃnani ǀgôagu, Asrikammi, Bokerub, Ismaeli, Searjab, Obadjab tsî Hananni tsîga ge ūhâ i.
© Khoekhoegowab Elobmîs © Bible Society in Namibia, 2020.
