Leviǁîn di ǃhaos
1 Levib ge ǃnona ǀgôaga ge ūhâ i: Gersonni, Kohati tsî Merarib tsîga.
2 Kohati ge haka ǀgôaga ge ūhâ i: Amrammi, Isari, Hebronni tsî Usieli tsîga.
3 Amrammi ge ǃnona ǀgôan, Aronni, Moseb tsî Miriams tsîna ge ūhâ i.
Aronni ge haka ǀgôaga ge ūhâ i: Nadab, Abihub, Eleasari tsî Itamari tsîga.
4 Nēgu ge Eleasari di ôaga, kaiba xu ǂkhami kōse: Pinehasi, Abisuab, 5 Bukib, Usib, 6 Serajab, Merajoti, 7 Amariab, Ahitub, 8 Sadoki, Ahimaasi, 9 Asariab, Johananni, 10 Asariab (gao-aob Salomob ge Jerusalems ǃnâ ǂnubi Tempeli ǃnâ gere ǃoabab), 11 Amariab, Ahitub, 12 Sadoki, Salummi, 13 Hilkiab, Asariab, 14 Serajab tsî Josadaki tsîga. 15 Gao-aob Nebukadnesari ge Josadaka nau khoen Judab din tsî Jerusalems din, ǃKhūb ge ǃkhōsabese sîbēn ǀkha ge sîbē.
Nau ôananôagub Levib dib
16 Levib ge ǃnona ǀgôagu, Gersonni, Kohati tsî Merarib tsîga ge ūhâ i. 17 Gersonni ge ǀgam ǀgôakha, Libnib tsî Simeib tsîkha ge ūhâ i. 18 Kohati ge haka ǀgôagu, Amrammi, Isari, Hebronni tsî Usieli tsîga ge ūhâ i. 19 Merarib ge ǀgam ǀgôakha, Malib tsî Musib tsîkha ge ūhâ i.
20 Nēgu ge Gersonni ôaga, kaibagu gu a khami: Libnib, Jahati, Simab, 21 Joab, Idob, Serab tsî Jeateraib tsîga.
22 Nēgu ge Kohati ôaga, kaibagu gu a khami: Aminadab, Koraxi, Asiri, 23 Elkanab, Ebiasafi, Asiri, 24 Tahati, Urieli, Usiab tsî Sauli tsîga.
25 Elkanab ge ǀgam ǀgôakha, Amasaib tsî Ahimot hâkha ge ūhâ i. 26 Nēgu ge Ahimoti ôaga, kaibagu gu a khami: Elkanab, Sofaib, Nahati, 27 Eliab, Jerohammi tsî Elkanab tsîga.
28 Samueli ge ǀgam ǀgôakha ge ūhâ i; ǂgurob ge ge Joel i tsî ǀgamǁîb ge ge Abia i.
29 Nēgu ge Merarib ôaga, kaibagu gu a khami: Malib, Libnib, Simeib, Usab, 30 Simeab, Hagiab tsî Asajab tsîga.
Tempeli di ǁnae-aogu
31 Sao ra khoegab ge gao-aob Davida, ǃGaeǀhaos ǂGaes ga ǁnāpa sī mâihe, o gu ǃKhūb ommi ǃnâ ǁnaeb di ǃoabasa nî ǃkhōdanase ge mâi. 32 ǁÎgu ge Tabernakeli aiǃâ, ǁnaetsanadi ǀkha tentommi ǀhûs dib ǃnâ gere ǃoaba, gao-aob Salomob ge Tempela Jerusalems ǃnâ ǂnubitoas kōse, tsî gu ge ǁîgu di ǁnaetihesa ǀgaub ǃoa ǃoabas âga gere dī. 33 Sao ra surib di khoegu ge nē ǃoabasa gere dī:
Kohati surib digu ge: ǂGuro ǁnaeǃnans di ǂgaeǂgui-aob Hemanni ge ge Joeli di ôa i. ǁÎb di surib ge saogubes ǃnâ Jakob kōse ra oa: Hemanni, Joeli, Samueli, 34 Elkanab, Jerohammi, Elieli, Toab, 35 Sufi, Elkanab, Mahati, Amasaib, 36 Elkanab, Joeli, Asariab, Sefanjab, 37 Tahati, Asiri, Ebiasafi, Koraxi, 38 Isari, Kohati, Levib tsî Jakob tsîga.
39 Asafi ge ge ǀgamǁî ǁnaeǃnans di ǂgaeǂgui-ao i. ǁÎb di surib ge saogubes ǃnâ Levib kōse ra oa: Asafi, Berekiab, Simeab, 40 Mixaeli, Basejab, Malkijab, 41 Etnib, Serab, Adajab 42 Etanni, Simab, Simeib, 43 Jahati, Gersonni tsî Levib tsîga.
44 Etanni, Merarib surib dib ge ge ǃnonaǁî ǁnaeǃnans di ǂgaeǂgui-ao i. ǁÎb di surib ge saogubes ǃnâ Levib kōse ra oa: Etanni, Kisi, Abdib, Maluki, 45 Hasabjab, Amasiab, Hilkiab, 46 Amsib, Banib, Semeri, 47 Malib, Musib, Merarib tsî Levib tsîga.
48 Nau Leviǁîgu hoagu ge nau ǃoabadi Elob ommi didi ǃaroma ge ǁgaumâisa i.
Aronni di ôananôagub
49 Aronni tsî ǁîb di ôananôagub digu ǀguigu ge ǀanǀanǁguibadi tsî khauǁguibadi tsîna altars ai gere ǁguiba. ǁÎgu ge Hoan xa ǃAnu ǃKhaib di ǃoabas tsî ǂkhîbagusǁguibas Israelǁîn di ǁoreǀûbas ǃaroma ra dīhes di ǃereamsa ge ūhâ i. ǁÎgu ge nēn hoana Elob ǃgāb, Moseb di mîmāde ǃoa gere dī. 50 Nē ra saob ge Aronni di ôananôaguba: Eleasari, Pinehasi, Abisuab, 51 Bukib, Usib, Serajab, 52 Merajoti, Amariab, Ahitub, 53 Sadoki tsî Ahimaasi tsîga.
Leviǁîn di ǁanǃkhaidi
54 Nēdi ge Aronni ôananôagub, Kohati ǃhaos dib ge ǂnûiǂuibahe ǁanǃkhaide. ǁÎn ge ǂguro ǁanǃkhaide Leviǁîn ge māhe ǃhūb ǃnâ ge hō. 55 ǁÎn ge Hebrons, Judab ǃnâ ǂnôas tsî ǁîs ǂnamipe ǁgoe ǃû-aide ge māhe. 56 Xawe ǃās ǂnamipe ǁgoe ǃhanagu tsî ǂkhari ǃārodi tsînab ge Jefuneb ôab Kaleba ge māhe. 57-59 Aronni di ôananôagub ge sao ra ǃāde ge māhe: ǁHaiǁhâǀîǃās Hebrons, Jatirs, Libnas, Estemoas, Hilens, Debirs, Asans tsî Bet-Semes tsîde, ǁîdi ǃû-aidi ǀkha. 60 Benjaminni ǀkharib ǃnân ge sao ra ǃāde ǁîdi ǃû-aidi ǀkha ge māhe: Gebas, Alemets, tsî Anatots tsîde. ǀHaob ain ge ǁîna disiǃnonaǀa ǃāde ǁan ǃnân nîse ge māhe. 61 ǃKhare ǃhaos Manaseb dis di ǀkharib ǃnâ di ge Kohatǁîn di ǃhaode disi ǃāde ǀkhūs ǃnâ-u ge ǂnûiǂuibahe.
62 Gersonni di surib ge Isaskari, Aseri, Naftalib tsî ǃkhare ǃhaos Manaseb dis Basanni ǃnâ hâs tsîdi di ǀkharigu ǃnâ disiǃnonaǀa ǃāde ge ǂnûiǂuibahe. 63 Merarib ǃhaos tsîn ge Rubenni, Gadi tsî Sebulonni tsîgu di ǀkharigu ǃnâ disiǀgamǀa ǃāde ge ǂnûiǂuibahe. 64 ǁNā ǀgaub ain ge Israelǁîna Leviǁîna ǁan ǃnân nî ǃāde ǁîdi ǂnamipe hâ ǃû-aidi ǀkha ge ǀgoraǂuiba. 65 (Judab, Simeonni tsî Benjaminni tsîgu di ǀkharigu ǃnâ ǂnôa ǃādi hîa go ǂgaikhâihedi tsîn ge ǀkhūsa ǂnaus ǀkha ge ǀgoraǂgāhe.)
66 ǀNî khoen Kohati ǃhaos din ge ǃādi tsî ǃû-aidi tsîna Efraimmi ǀkharib ǃnâ ge māhe: 67 Efraimǃhomgu ǃnâ ǂnôa ǁhaiǁhâǀîǃās Sexems, Gesers 68 Jokmeams, Bet-Horons, 69 Ajalons tsî Gat-Rimons tsîde. 70 ǃKhare ǃhaos Manaseb dis di ǀkharib ǃnân ge Aners tsî Bileams tsîra, ǁîra ǂnamipe ǁgoe ǃû-aidi ǀkha ge māhe.
71 Gersonni ǃhaos di khoen ge sao ra ǃādi tsî ǁîdi ǂnamipe ǁgoe ǃû-aidi tsîna ge māhe:
ǃKhare ǃhaos Manaseb dis di ǀkharib ǃnâ: Golans, Basanni ǃnâ ǂnôas tsî Astarots tsîra.
72 Isaskari di ǀkharib ǃnâ: Kedes, Daberats, 73 Ramots tsî Anems tsîde.
74 Aseri di ǀkharib ǃnâ: Masals, Abdons, 75 Hukoks tsî Rehobs tsîde.
76 Naftalib di ǀkharib ǃnâ: Kedes, Galileab ǃnâ ǂnôas, Hamons tsî Kiriataims tsîde.
77 ǃGau ge khoen Merarib ǃhaos din ge sao ra ǃādi tsî ǁîdi ǃû-aidi tsîna ge māhe:
Sebulonni di ǀkharib ǃnâ: Rimons tsî Tabors tsîra.
78 Rubenni di ǀkharib ǃnâ, Jordanǃāb aiǂoasǀkhāb ai, Jerixos nauǀkhāb ai: Besers, ǃhaob ai ǁgoes, Jasas, 79 Kedemots tsî Mefats tsîde.
80 Gadi di ǀkharib ǃnâ: Ramots, Gileadi ǃnâ ǂnôas, Mahanaims, 81 Hesbons tsî Jasers tsîde.
© Khoekhoegowab Elobmîs © Bible Society in Namibia, 2020.
