Tempeli di ǀkhō-aogu
1 Gao-aob Davidi tsî Leviǁîn di ǂgaeǂgui-aogu ge sao ra Leviǁî ǃhaoǃnādi, Asafi, Hemanni tsî Jedutun hâgu dide, ǃoabasan nî ǂgaeǂguise ge ǁhûi. ǁÎn ge Elob di ǂhôasa, harpdi tsî simbalde ra ǀkhōse nî ǂanǂan. Nēb ge xoakhâib ǃoabade nî ǂgaeǂgui aogu dib tsî dī gu nîse i ǃoabadi diba.
2 Asafi di haka ǀgôagu ge Sakuri, Josefi, Netanjab tsî Asarelab tsîga. ǁÎgu ge Asafi, Elob di ǂhôasa ge gao-aob ga mîmā ǁaeb hoab ai gere ǂanǂanni di ǂgaeǂguis ǃnaka ge hâ i.
3 Jedutunni di ǃnani ǀgôagu ge Gedaljab, Seri, Jesajab, Simeib, Hasabjab tsî Matitiab tsîga. ǁÎgu ge ǁîgu îb ǂgaeǂguis ǃnaka Elob ǂhôasa gere ǂanǂan, harpdi ai ǀkhō tsî ǃKhūba koaǁnaeba tsî ra karese.
4 Disihakaǀa ǀgôagu Hemanni digu ge Bukiab, Matanjab, Usieli, Sebueli, Jerimoti, Hananjab, Hananib, Eliatab, Gidaltib, Romamti-Eseri, Josbekasab, Malotib, Hotiri tsî Mahasioti tsîga. 5 Elob ge gao-aob di kēbo-aob Hemanna, nē disihakaǀa ǀgôagu tsî ǃnona ǀgôadi tsîna ge mā, mîmâib ge hâ i khami, ǁîbab ǀgaiba nî māse. 6 ǁÎb di ôagu hoagu ge simbaldi tsî harpdi tsîna ǁîgu îb di ǂgaeǂguis ǃnaka, Tempelǃoabadi ǃnâ gere ǀkhō. Asafi, Jedutunni tsî Heman hâgu ge gao-aob mîmās ǃnaka ge hâ i.
7 Nē ǀgamdisihakaǀa aogu hoagu ge ǂansa ge ūhâ i; ǁîgu di ǃgâsa Leviǁîgu ge ǁkhāǁkhāsa ǁnae-ao ge iga. Nē khoegu ge ǀhaob ai ge ǀgamkaidisi tsî ǁkhaisadisiǁkhaisaǀa i.
8 Sîsenga ǀgoraǂgāsa mîǁguis ǃaroma gu ge hoaga ǀkhūsa gere ǂnau, kaigu kas, ǂkhamgu kas, ǁkhāǁkhāsagu kas, ǁkhāǁkhāsa tama gu ka is hoasa.
9-31 Nē ǀgamkaidisi tsî ǁkhaisadisiǁkhaisaǀa aogu ge ǀgamdisihakaǀa ǃnandi ǃnâ ge ǀgoraǂgāsa i; mâs hoas ge disiǀgamǀa aogu tsî ǀgui ǂgaeǂgui-aob tsîga ge ūhâ i. Nē ra saob ge ǁîdi ǀgoraǂgāba:
ǂGurose Josefi, Asafi ǀaokhoen dibǀGamǁîse GedaljabǃNonaǁîse SakuriHakaǁîse SeriKoroǁîse NetanjabǃNaniǁîse BukiabHûǁîse AsarelabǁKhaisaǁîse JesajabKhoeseǁîse MatanjabDisiǁîse SimeibDisiǀguiǀaǁîse UsieliDisiǀgamǀaǁîse HasabjabDisiǃnonaǀaǁîse SebueliDisihakaǀaǁîse MatitiabDisikoroǀaǁîse JerimotiDisiǃnaniǀaǁîse HananjabDisihûǀaǁîse JosbekasabDisiǁkhaisaǀaǁîse HananibDisikhoeseǀaǁîse MalotibǀGamdisiǁîse EliatabǀGamdisiǀguiǀaǁîse HotiriǀGamdisiǀgamǀaǁîse GidaltibǀGamdisiǃnonaǀaǁîse MahasiotiǀGamdisihakaǀaǁîse Romamti-Eseri© Khoekhoegowab Elobmîs © Bible Society in Namibia, 2020.
