Elob ge a ǀgoraǃgâ-ao
ǁNaeǃnans ǂgaeǂgui-aob ǃoa: “Tā hîkākā” ti hâ ǁnaeǀgaub ǃoa. Asafi Psalms. ǁNaetsanas
1 Gangan tsi da ge ra Elotse,
gangan tsi da ge ra, sa ǀons ge sida tawa a ǀgū
khoen ge sa buruxa dīgu xa ra ǃhoa.
2 Elob ge ra mî: “Mîmâisa ǁaeb, tita ǂnûiǂgā hâb ai
ta ge ǂhanu-aisib ǀkha nî ǀgoraǃgâ.
3 ǃHūbaib tsî ǁîb ai hân hoan ga tsunibē;
xawe ta ge ǂkhâǃnâhaigu âba nî mâiǁapoǁapo.
4 ǀGapiǂâixan ǃoa ta ge ‘Tā ǀgapiǂâixa’ ti ra mî;
eloxoresan ǃoa ta ge ‘Tā ǁnâba ǃkhōkhâi!
5 Tā ǁnâba ǃkhōkhâi
tamas ka io ǂnîǃaoxase ǃhoa’ ti ge mî.”
6 ǀGapiǀgapis ge aiǂoas tamas ka io huriǂoas
tamas ka io ǃgaroǃhūba xu hâ tama hâ.
7 Elob ge ǁnāb ǀgoraǃgâ rab,
nē-e ǃgamǃgam tsî nau-e ra ǀgapiǀgapiba.
8 ǃKhūb di ǃommi ǃnâs ge āǀgabis,
goa ra ǂauxûib, habaguhe hâb xa ǀoa hâsa hâ.
ǁÎb ge ǁîsa xu ra ǂnâǂui
tsîn ge hoaraga eloxoresana ǂgomab kōse nî ā.
9 Xawe tita ge ǀamosib kōse nî ǂhôa;
tita ge Jakob di Eloba nî koaǁnaeba.
10 Tsî ta ge hoa eloxoresan di ǁnâga nî ǁhāǁnâ,
xawe ǂhanu-ain di ǁnâgu ge nî ǀgapiǀgapihe.
To the chief Musician, Al-taschith, A Psalm or Song of Asaph.
1 Unto thee, O God, do we give thanks, unto thee do we give thanks: for that thy name is near thy wondrous works declare.
2 When I shall receive the congregation I will judge uprightly.
3 The earth and all the inhabitants thereof are dissolved: I bear up the pillars of it. Selah.
4 I said unto the fools, Deal not foolishly: and to the wicked, Lift not up the horn:
5 Lift not up your horn on high: speak not with a stiff neck.
6 For promotion cometh neither from the east, nor from the west, nor from the south.
7 But God is the judge: he putteth down one, and setteth up another.
8 For in the hand of the LORD there is a cup, and the wine is red; it is full of mixture; and he poureth out of the same: but the dregs thereof, all the wicked of the earth shall wring them out, and drink them .
9 But I will declare for ever; I will sing praises to the God of Jacob.
10 All the horns of the wicked also will I cut off; but the horns of the righteous shall be exalted.
