Hagars tsî Ismaeli
1 Abrammi di taras, Sarais ge ǁîba ǀgôa-e ge ǁoraba ǁoa i. Xawes ge Saraisa Egipteǁî khobos, Hagar ti ǀon hâsa ge ūhâ i 2 tsîs ge Abramma ge mîba: “ǃKhūb ge tita ǁora ta tidese ǂganam hâ. Tare-i ǃaromats ǁnâi ti khobos ǀkha ǁomǀhao tama hâ? ǀNîsis kom ǁîsa tita ǀgôaro-e a ǁoraba ǁkhāo?” Abrammi ge taras âb ge mîn ǀkha ge ǀhûǀgui. 3 Tsîs ge ǁîs di khobos, Hagarsa Abramma xōǀkhātaras ase ge mā. Nēs ge disi kuriga ra ǁîra ǀnai Kanaanǃhūb ǃnâ ǁan hâ hîa ge ī. 4 Tsîb ge Abramma Hagars ǀkha ge ǁomǀhao tsîs ge ǁîsa ge ǀgamǀkhā. ǁÎs ge ǀgamǀkhās a ǃkhaisas ge ǂano, ǀhonkhoes âsa ge ǃharaxū.
5 Os ge Saraisa Abramma ge mîba: “Nē ǃharaxūhes hîa ta ra tita hōs ge sats xa ǃaromahe hâ. Tita ge ǁîsa satsa taras ase ge mā, xawes ge ǀgamǀkhās a ǃkhaisas ge ǂan ǁaeba xu ge ǃharaxū te. Ab ǃKhūba sats tsî tita ǁaegu ǀgoraǃgâ, tari-i a ǂhanu ǃkhaisa!”
6 Ob ge Abramma Saraisa ge ǃeream: “Sa ǃgās, sa ǃnaka hâs komo, xuige sas ra ǂgao khami dī-ū si re.” Os ge Saraisa ǁnātikōse Hagarsa, egas ge ǁnāpa xu sī ǃkhoenis kōse ge khoedīǁoa.
7 ǃKhūb di ǀhomǃgāb ge Surs daob ǃnâ ǂnôa ǁgamǀau-i tawa ǁîsa ǀhao-ū 8 tsî ge mî: “Hagar, Sarais di khobose, mâpa xu tsî mâǀîsa kha?”
Os ge Hagarsa “Tita ge ti ǀhonkhoes, Saraisa xu ra ǃkhoeni” ti ge ǃeream.
9 Ob ge ǀhomǃgāba ǁîsa ge mîba: “Oa ǁîs ǁga, î ǁîs di khobose sī hâ re.” 10 Tsîb ge ǃaruǀî “Tita ge sas a ǃgôa ǁkhās ǃgâ-ai kai suriba nî mā si. 11 Sas ge aore ǀgôaba nî ǁora, os ge ǁîba Ismael ti nî ǀonǂgai, ǃKhūb go sas ra tsâ ǀgausa ǁnâu xui-ao. 12 Xaweb ge sa ôaba ǃgarodâuki-i khami nî ī; ǁîb ge hoaraga khoen ǃoagu nî hâ, tsî hoa khoena ǁîb ǃoagu. ǁÎb ge hoaraga ǀaokhoen âba xu ǃnūse nî hâ.” 13 Os ge Hagarsa ge dîsen: “Amabes ǃnâ ta kha Eloba mû tsî ǁnās xa nî ǃhoase ûi hâ?” Nē mîdi ǀkhas ge ǁîsa ǃKhūb, ǁîs ǀkha ǁnāpa ge ǃhoaba “Mû ra Elob” ti ge ǂgai. 14 ǁNāpa xus ge khoen ra ǁnā ǁgamǀaus Kades tsî Bered hâra ǁaegu hâsa “ǁNāb ûitsama a tsî ra mû teb di tsaus” ti ǂgaisa.
15 Tsîs ge Hagarsa Abramma ǀgôab, Ismael tib ge ǀonǂgaiba ge ǁoraba. 16 Hagars ge Ismaela ǁoraba bi ǁaeb aib ge Abramma ge ǁkhaisadisiǃnaniǀa kurixa i.
1 Now Sarai Abram’s wife bare him no children: and she had an handmaid, an Egyptian, whose name was Hagar. 2 And Sarai said unto Abram, Behold now, the LORD hath restrained me from bearing: I pray thee, go in unto my maid; it may be that I may obtain children by her. And Abram hearkened to the voice of Sarai. 3 And Sarai Abram’s wife took Hagar her maid the Egyptian, after Abram had dwelt ten years in the land of Canaan, and gave her to her husband Abram to be his wife.
4 ¶ And he went in unto Hagar, and she conceived: and when she saw that she had conceived, her mistress was despised in her eyes. 5 And Sarai said unto Abram, My wrong be upon thee: I have given my maid into thy bosom; and when she saw that she had conceived, I was despised in her eyes: the LORD judge between me and thee. 6 But Abram said unto Sarai, Behold, thy maid is in thy hand; do to her as it pleaseth thee. And when Sarai dealt hardly with her, she fled from her face.
7 ¶ And the angel of the LORD found her by a fountain of water in the wilderness, by the fountain in the way to Shur. 8 And he said, Hagar, Sarai’s maid, whence camest thou? and whither wilt thou go? And she said, I flee from the face of my mistress Sarai. 9 And the angel of the LORD said unto her, Return to thy mistress, and submit thyself under her hands.
10 And the angel of the LORD said unto her, I will multiply thy seed exceedingly, that it shall not be numbered for multitude. 11 And the angel of the LORD said unto her, Behold, thou art with child, and shalt bear a son, and shalt call his name Ishmael; because the LORD hath heard thy affliction. 12 And he will be a wild man; his hand will be against every man, and every man’s hand against him; and he shall dwell in the presence of all his brethren. 13 And she called the name of the LORD that spake unto her, Thou God seest me: for she said, Have I also here looked after him that seeth me? 14 Wherefore the well was called Beer-lahai-roi; behold, it is between Kadesh and Bered.
15 ¶ And Hagar bare Abram a son: and Abram called his son’s name, which Hagar bare, Ishmael. 16 And Abram was fourscore and six years old, when Hagar bare Ishmael to Abram.
