Kalunga oye Omupangeliawike
1 Omuwa oye omukwaniilwa!
Evi, nyanyukwa!
Ne oontuntu dhomomafuta, ligoleni!
2 Iikogo nomilema odhe mu dhingoloka;
ota pangele nuuyuuki noshili.
3 Omulilo otagu mu tetekele,
nota lungunitha po aatondi ye mbo ye mu kundukidha.
4 Olwaadhi lwe otalu minikile uuyuni auhe;
evi otali shi mono e tali kakama.
5 Koshipala shOmuwa
oondundu otadhi hengumuka dha fa ezi,
okoshipala shOmuwa guuyuni auhe.
6 Egulu otali hokolola uuyuuki we,
niigwana ayihe otayi mono eadhimo lye.
7 Kehe ngoka ha simaneke iimenka,
ota sithwa ohoni;
iikalunga ayihe oyi na okutsila Omuwa oongolo.
8 Aantu yomuSion otaa nyanyukwa,
niilando yomuJuda oya shambukwa,
oshoka Omuwa oye omupanguli.
9 Omuwa Omunankondoawike,
ongoye omupangeli kombanda yevi alihe;
ngoye omunene u vule iikalunga.
10 Omuwa oku hole mboka haa tondo uuwinayi,
ota gamene aantu ye
note ya hupitha miikaha yaakolokoshi.
11 Aayuuki otaa ende muuyelele;
mboka ye na oomwenyo dha yela,
otaa nyanyukwa.
12 Nyanyukilweni Omuwa, aayuuki amuhe;
simanekeni edhina lye eyapuki.
1 The LORD reigneth; let the earth rejoice; let the multitude of isles be glad thereof .
2 Clouds and darkness are round about him: righteousness and judgment are the habitation of his throne.
3 A fire goeth before him, and burneth up his enemies round about.
4 His lightnings enlightened the world: the earth saw, and trembled.
5 The hills melted like wax at the presence of the LORD, at the presence of the Lord of the whole earth.
6 The heavens declare his righteousness, and all the people see his glory.
7 Confounded be all they that serve graven images, that boast themselves of idols: worship him, all ye gods.
8 Zion heard, and was glad; and the daughters of Judah rejoiced because of thy judgments, O LORD.
9 For thou, LORD, art high above all the earth: thou art exalted far above all gods.
10 Ye that love the LORD, hate evil: he preserveth the souls of his saints; he delivereth them out of the hand of the wicked.
11 Light is sown for the righteous, and gladness for the upright in heart.
12 Rejoice in the LORD, ye righteous; and give thanks at the remembrance of his holiness.
